Conch Soup

Conch Chowder in en Restaurant op de Florida Keys

Lobatus gigas, de wichtigste Oort von Seesniggen, de för de Supp bruukt warrt

Conch Soup, Conch Chowder (engelsch), Sopa de Caracol (spaansch) oder Soupe de Lambi (franzöösch) is en Supp (oder genauer en Chowder) ut de karibische Küst, dat op de karibischen Eilannen, op de Florida Keys, in Belize un in Honduras verbreedt is.

De wichtigste Todaat, von de de Supp ehren Naam hett, sünd Seesniggen ut dat Geslecht Strombus. De annern Todaten varieert von Land to Land un von Rezept to Rezept. Typische Todaten sünd aver Zibbeln, Knuuvlook, Tomaten, Paprika, Wuddelwark (to’n Bispeel Söötkartuffel, Yams, Maniok, Kartuffeln), Kokosööl oder Kokosmelk, Bananen un solten Swienfleesch (to’n Bispeel Swiensteert).