Cheemsch Elementen vun de 3. Grupp

Vun Wikipedia
Wesseln na: Navigatschoon, Söök

De Cheemsch Elementen vun de 3. Grupp sünd de cheemsch Elementen, de in’t Periodensystem in de III. Nevengrupp staht, wat na de offiziell Beteken vun de IUPAC ok as 3. Grupp betekent warrt. To disse Grupp höört veer Elementen. De eersten beiden sünd de Lichtmetallen Scandium (Sc) un Yttrium (Y), de annern beiden sünd Lanthan (La) un Actinium (Ac). De Grupp warrt kort ok na dat eerste Element as Scandiumgrupp betekent.

Cheemsch Egenschoppen[ännern | Bornkood ännern]

De Elementen vun de Scandiumgrupp sind in jemehr cheemsch Egenschoppen ünnerenanner teemlich liek, aver se sünd ok teemlich liek de Eerdalkalimetallen, de in dat Periodensystem en Grupp wieter links staht, tomindst lieker de to de Elementen vun de 13. Grupp (Eerdmetallen).

All Elementen vun de 3. Grupp hebbt buten en eenfach besett d-Orbital, wiel dat butenste s-Orbital tweefach un as s-Orbital dormit vullstännig besett is. Mit wenige Utnahmen leegt disse Elementen in Verbinnen in de Oxidatschoonsstoop +3 vör. Elektrocheemsch sünd de Elementen vun de Scandiumgrupp en beten mehr uneddel as Aluminium un eddler as de Eerdalkalimetallen. Disse uneddel Charakter nimmt to mit tonehmend Atommasse (vun baven na ünnen in’t Periodensystem).

Vörkamen[ännern | Bornkood ännern]

De Elementen vun de III. Nevengrupp kamt nich so faken vör. In de Eerdköst kommt se blots mit bannig lütte Andelen mit 5,1 · 10-4 (Scandium), 2,6 · 10-3 (Yttrium), 1,7 · 10-3 (Lanthan) un 6,1 · 10-14 (Actinium) Gew-% vör.

Biller[ännern | Bornkood ännern]