Brigaad (Militär)

Vun Wikipedia

En Brigaad is bi dat Militär en Grootverband vun de Landmacht. He is so utrüst un organiseert, dat he taktisch Upgaven ohn frömde Hölp süms lösen kann.

Bundeswehr[ännern | Bornkood ännern]

To en Brigaad bi de Bundswehr höört 1.500 - 5.000 Suldaten hento. Dor is se de lüttjeste Grootverband mit, de ut verscheden Truppenorden tohopensett is.

Dat taktische Teken vun de Brigaad is dat Krüüz. Baas is tomeist en Brigaadgeneral (in Öösterriek un in de Swiez en Brigadier), man hen un wenn ok en Oberst. De Eenheit över de Brigaad is de Divischoon, ünner de Brigaad steiht dat Bataillon, hen un wenn ok dat Regiment.

Frankriek[ännern | Bornkood ännern]

In Frankriek warrt bavenhen ok en Ünnerdeel vun de Kompanie as Brigaad betekent. Man dat gellt bloß bi de Riedertruppen (Kavallerie, Panzertruppen) un bi de Gendarmerie Nationale. Dor höört denn 5 - 10 Mann to en Brigaad to un jem ehr Anföhrer is en Brigadier (Ünneroffzier).

Historie[ännern | Bornkood ännern]

Carl von Clausewitz hett seggt, de Brigaad, dat weer de gröttste Eenheit, de bloß een Mann, dor wo sien Stimm to hören is, anföhren kann[1]. Bit hen to de Midde vun dat 20. Johrhunnert weern Brigaden tomeist militärsche Verbänn, de sik ut tominnst twee Regimenters vun desülbige Truppenoort tohopensetten döen. Verscheden Truppenoorten (Gefecht mit verbunnen Wapen) geev dat eerst bi de Divischonen. In Düütschland bleev dat so bit to'n Enne vun de Düütsche Wehrmacht. Dorbi weer dat al vun den Anfang vun den Eersten Weltkrieg af an so, dat de Divischonen jummers mehr gor nich ut verscheden Brigaden bestünnen, man sik direktemang ut de ünnern Eenheiten tohopensetten döen.

Borns[ännern | Bornkood ännern]

  1. Carl von Clausewitz: Vom Kriege