Benjamin Alvin Drew

Vun Wikipedia
Wesseln na: Navigatschoon, Söök

Benjamin Alvin „Al“ Drew, Jr. (* 5. November 1962 in Washington, D.C.) is en US-amerikaansch Astronaut.

Utbillen[ännern | Bornkood ännern]

Drew hett 1980 de High School afslooten un studier ansluutend an de United States Air Force Academy (USAFA) in Colorado Springs (Colorado). Mit twee Bachelor-Diplomen – een in Ruumfohrttechnik un een Physik - hett he 1984 die USAFA verlaaten. Negen Johr later hett he noch sien Master in dat Fack Luft- un Ruumfahrttechnik an de Embry-Riddle Aeronautical University in Florida makt. Vun de Air University up de Maxwell Air Force Base in Alabama kreeg he 2006 noch en Master as Politikwetenschapler.

Militärloopbahn[ännern | Bornkood ännern]

Nah sien Bachelor-Examen wurr he vun de US-Luftwappen to’n Helikopterpiloten utbildt un kreeg sien Lizenz in‘ März 1985. In de nächst söben Johr nehm he in‘ Updrag vun dat Air Force Special Operations Command an völ Kampinsatzen deel: de US-Invasion in Panama (Operation Just Cause) in‘ Dezember 1989, de tweete Golfkrieg mit de Operatschonen Desert Shield (af August 1990) un Desert Storm (af Januar 1991) as ok an de Operation Provide Comfort mit de de US-Truppen af April 1991 Flüchtlingen in de kurdisch Rebeden hulpen hebbt.

Torüch in de USA leet sück Drew af 1992 to’n Floogtüüch- un to’n Testpiloten utbillen. Bit to sien Wessel to de NASA hett he nee Floogtüüchtypen erprobt un hett in dat Air Combat Command in Virginia arbeit.

Astronautentätigkeit[ännern | Bornkood ännern]

Drew wurr in‘ Juli 2000 vun de NASA as Astronautenanwärter utwählt. In‘ Ansluss an de tweejohrig Grundutbillen hett he in de Afdeelen „Ruumstatschoonsbedriev“ vun dat Astronautenbüro arbeit.

STS-118[ännern | Bornkood ännern]

In’ August 2007 hett Drew mit STS-118 sien eersten Ruumfloog maakt. För disse Mission wurr he in en kört Frist nömmt, nahdem Clayton Anderson, de oorsprünglich mit disse Mission to de ISS flegen sull, een Floog ehrder (STS-117) flegen dee. Dordör wurr de Platz in de Endeavour för Drew free. Kummandant vun disse Mission weer Scott Kelly, de Pilot weer Charles Owen Hobaugh und de anner Missionsspezialisten Barbara Radding Morgan, Richard Alan Mastracchio, Tracy Ellen Caldwell-Dyson un de Kanadier Dave Williams.

STS-133[ännern | Bornkood ännern]

De Start vun disse Mission weer an’ 24. Februar 2011, land is de Crew an’ 9. März 2011. Tell weer nochmals de ISS. Drew ünnernehm tosommen mit Stephen Bowen twee Butenboordinsatzen. Kummandant bi disse Mission weer Steve Lindsey und de Pilot Eric Boe. Neben Bowen und Drew weern dorto noch de Missionsspezialisten Michael Barratt un Nicole Stott an Bord. För Bowen harr dorbi eegentlich Tim Kopra fleegen sullt, de harr sück aber in’ Januar 2011 bi en Radunfall versehrt.

Enkeld Nahwiesen[ännern | Bornkood ännern]


Weblenken[ännern | Bornkood ännern]

Commons-logo.svg B. Alvin Drew. Mehr Biller, Videos oder Audiodateien to’t Thema gifft dat bi Wikimedia Commons.