Belize (Stadt)

Vun Wikipedia
Wesseln na: Navigatschoon, Söök
Wapen/Flagg Koort
Wapen vun Belize
Belize
Laag vun Belize in Belize
Basisdaten
Sitt: Belize
Distrikt: Belize
Flach: km²
Inwahners: 70.800 (2005-00-00 2005)
Hööchd: 0 m över de See
Geograafsche Laag:
Koordinaten:17° 29′ N, 88° 11′ W
17° 29′ N, 88° 11′ W
Börgermeester: Zenaida Moya

Belize is de gröttste Stadt in dat Land Belize un weer bet 1970 ok de Hööftstadt (nu Belmopan binnen in’t Land). De Stadt hett so 70.800 Inwahners (schätzt, 2005). Se liggt op en Halvinsel an’n Stroom Belize an de Küst von de Karibische See. Dat is ok de wichtigste Haven un Weertschopsstandoort von dat Land.

Geschicht[ännern | Bornkood ännern]

Belize is so bi de Midd von’t 17. Johrhunnert von brietsche Holtfällers grünnt worrn. Dör de Laag an de Küst an de Münn von Stroom Belize (an’n Haulover Creek, een von de Arms von de Belize-Münn) dee sik de Oort anbeden. Dat Mahagoni un annere Eddelhölter de binnen in’t Land slagen worrn sünd, kunnen över den Stroom an de Küst flött warrn. Vör de Briten harrn al de Maya an de Steed en lütte Stadt, de Holzuz heten harr.

An’n 10. September 1931 is de Stadt swoor von’n groten Hurrikan von 1931 drapen worrn, bi den an de Küst von dat Land Belize so 2500 Lüüd doodbleven sünd, en groten Deel dorvon in de Stadt Beliz. Ok 1961 wedder is de Stadt von en Storm drapen worrn, ditmal an’n 31. Oktober de Hurrikan Hattie, de en groten Deel von de Stadt överswemmt un toschannen richt hett. Dat weer ok een von de Grünn mit, dat 1970 Belmopan de Hööftstadt worrn is, dat binnen in’t Land liggt.

Panorama över Belize von üm un bi 1914
Blick över de Stadt (2008)

Weertschop un Infrastruktur[ännern | Bornkood ännern]

Verkehr[ännern | Bornkood ännern]

De internatschonale Flooghaven för Belize is de Philip-S.-W.-Goldson-Flooghaven in Ladyville knapp teihn Kilometer buten de Stadt. De Stadtflooghaven Belize is dichter an’t Zentrum (blot een Kilometer af), is aver blot för Flöög binnen dat Land.

De beiden wichtigsten Straten sünd de Northern Highway, de na Noordwesten löppt un de Western Highway, de na Süüdwesten löppt un Belize mit Belmopan verbinnt.

Weblenken[ännern | Bornkood ännern]

Commons-logo.svg Belize. Mehr Biller, Videos oder Audiodateien to’t Thema gifft dat bi Wikimedia Commons.