Arteria cerebri media

Vun Wikipedia
Wesseln na: Navigatschoon, Söök
Circulus arteriosus bi’n Minschen. De A. cerebri media is en dicken Endtwieg vun de A. carotis interna, de poorwies na de Siet afgeiht (baven in’t Bild)

De Arteria cerebri media („middlere Bregenslagader“) is een vun de dree Hööftareterien vun’n Bregen. Se is de Endtwieg vun de Arteria carotis interna, de poorwies links un rechts vun Kopp na de Sieten richt sünd un tellt to den Ring vun Bloodfatten an de Bregenbasis (Circulus arteriosus cerebri). In ehrn Verloop twiegt dorvun mehrere lütte Fatten af, de Delen vun’n Grootbregen mit suerstoff- un nehrstoffriek Blood versorgt.

De middlere Bregenslagader warrt in de Anatomie in veer Segmenten (M1-M4) ünnerscheedt:

  • M1 is dat spheniodale Segment vun’n Anfang bit to’n eersten Aftwiegen.
  • M2 is dat Eilandsegment, dat in’t Eilandrebeet (Eilandrinn).
  • M3 löpt an’t Operculum langs.
  • M4 is dat Endsegment, dat op de Grootbregenrinn (cortical) löpt.

Versorgt Rebeet[ännern | Bornkood ännern]

De Arteria cerebri medialis is dat gröttste Bloodfatt to’n Versorgen vun’n Bregen, dat vör allen vör de lateralen (sietlichen) Flachen vun de Frontal-, Pariental- un Temporallappens tostännig is. Butendem warrt vun ehr ok wichtige Schaltsteden in’n Twüschenbregen , as ok Delen vun’n Thalamus, de benaverten Basalganglien, de Capsula interna un de Eilandrinn versorgt.

Folgen bi’t Utfallen[ännern | Bornkood ännern]

Schaapsbregen mit'n Infarkt as Naklapp vun’n Versluten vun de middlere Bregenslagader.

Slaganfäll bedrapt fakener dat Versorgensrebeet vun de Arteria cerebri media (Mediainfarkt) as de vun annere Bregenslagadern. Tomeist hebbt se halfsietige Lahmen, de vör allen dat Gesicht un de Arms bedröpt, un Spastik vun de gegenöverliggen Liefhälft as Naklapp as ok Stören vun’t Geföhl bi de bedrapen Liefrebeden. Faken kamt ok Gesichtsfeldstören, Spraakstören un Apraxien vör.

En roor vörkamen Fehlbillen is, dat sik de Arteria cerebri media in en Veeltall vun lütte Bloodfatten ümbillt. Dat is en Krankheit, de vör allen bi Japaners vörkummt un Moyamoya nöömt warrt.

Kiek ok[ännern | Bornkood ännern]