Circulus arteriosus cerebri

Vun Wikipedia
Wesseln na: Navigatschoon, Söök
Circulus arteriosus cerebi – schemaatsch
Circulus arteriosus cerebi vun de Bregenünnersiet

De Circulus arteriosus cerebri („Arterienring vun’n Bregen“) is en Ring vun arteriell Bloodfatten to’n Versorgen vun’n Bregen mit nehr- und suerstoffriek Blood bi Söögdeerten. De tellt to de extrazerebralen Anastomosen vun’n Bregen.

Bi’n Minschen warrt de Arterienring vun dree Bloodfatten spiest un liggt an’n Middelbregen an de Bregenbasis vun vörn un ünnen (anterokaudal) üm den Hypophysensteel un de Sehnervkrüzen an. Normalerwies is de Vörstellen, dat dorin Blood in Kreis strömt, nich richtig. Bi de meisten gesunnen Minschen ist dat eher so, dat de dree versorgen Arterien sik in jemehr Endtwiegen opsplitt, de mitenanner verbunnen sünd. De Verbinnen ist tomeist nich so dull utprägt, dat en vullstännig Versluten vun een vun de Bloodfatten dör de annern utgleken warrn künn. Bi’n chronische Stenoos warrt de Anastomosen aver starker, so dat an’n Enn op en enkelt spiesen Bloodfatt recken kann, üm den helen Bregen mit noog Blood to versorgen.

De Arterienring warrt na den engelschen Anatom Thomas Willis ok as Circulus (arteriosus) Willisi betekent.

Spiesen Arterien[ännern | Bornkood ännern]

Arteria basilaris[ännern | Bornkood ännern]

De Arteria basilaris tütt vun Rüchmark dör dat Forum magnum na’n Bregenstamm. Se entsteiht as Tosamensluss vun den linken und den rechten Endtwieg vun de Arteria vertebralis. Vun de A. basilaris gaht noch verscheden pporig anleggte Twiegen af, vördem se en Deel vun den Arterienring warrt. Dat gifft ok vele Minschen, bi de een vun de beiden Warvelarterien hypoplastisch oder gor nich utbillt is. Man dat hett nix to seggen.

Arteria carotis interna[ännern | Bornkood ännern]

De Arteria carotis interna is poorwies utbillt. Se billt mit ehr Twiegen den vörderen Deel vun’n Circulus arteriosus.

Arteria carotis externa (blots Deerten)[ännern | Bornkood ännern]

Bi enige Söödeerten (Poorhovers, Katten) verslutt sik de A. carotis interna na de Geboort in’n Afsnitt buten den Schädel. De Afsnitt binnen den Schädel blifft aver bestahn un kriggt en Toloop vun Twiegen vun de Arteria maxillaris. In dissen Afsnitt, billt de Arteria carotis interna bi Wedderkauers en so nöömt „Wunnernett“ (Rete mirabile) – dat is en optwiegen in vele lütte mitenanner kommunizeeren Arterien, de sik wedder to en groot arteriell Fatt vereent. Bi de Katt un annere Roovdeerten billt een Twieg vun de Arteria carotis externa na’n Dörgang dör dat Kielbeen de Arteria anastomitica, woröver denn de Hööftandeel vun de Bloodversorgen vun’n circulus arteriosus lööpt. Bi Minschen is dat anners.

Bregenarterien[ännern | Bornkood ännern]

De Bregenarterien (Zerebralarterien) sünd Twiegen vun de Arteria basilaris oder vun de Arteria carotis interna:

Twiegen vun de Aa. carotis int.:

  • Arteria cerebri anterior (bi Deerten: Arteria cerebri rostralis): versorgt de vörderen Afsneden vun’n Grootbregen, de na de Mitt hen leegt. De beiden vörderen Arterien sünd över en Verbinnen (Arteria communicans anterior) verbunnen, de den Ring vörn vullstännig maakt.
  • Arteria cerebri media: wichtigst Bloodfatt för de Versorgen vun’n Grootbregen

Äste d. A. basilaris:

  • Arteria cerebri posterior (bi Deerten: Arteria cerebri caudalis): versorgt de achteren Afsneden vun’n Grootbregen, de na de Mitt hen leegt.

Krankheiten[ännern | Bornkood ännern]

Stören vun de arteriellen Bloodversorgen föhrt to’n Slaganfall. Se künnt to’n een dör Verleggen vun Fatten (t. B. dör en Thrombus) oder dör Sehren vun de Fattwand (sünners as Naklapp vun en Aneurysma vörakmen)

Kiek ok[ännern | Bornkood ännern]

Literatur[ännern | Bornkood ännern]

  • Edvinsson L., MacKenzie E.T., McCulloch J.: Cerebral blood flow and metabolism. Raven, New York (1993) ISBN 0-88167-918-6.