Antje

Dit Woort hett noch annere Bedüden: kiek dorför ünner Antje (Waalross).

Antje is een plattdüütschen Vörnaam för Deerns.

Herkamen

Antje kümmt vun den düütschen Naam Anna. (Düsse Naam kann vun vörn un ok vun achtern liek lesen weern. Sowat heet denn Palindrom). De Naam Anna is de latiensche Form vun den hebreeschen Naamen Hannah. Hannah bedutt so veel, as De Gnaad kregen hett oder ok Up de Gott passen deit. Babenhen kann Anna ok vun den olen düütschen Jungsnaam Anno herkamen un is denn ümmuddelt för Deerns dör dat Enn -a.

De plattdüütsche Naam

As dat bi plattdüütsche Naams ganz begäng weer, is de Naam Anna toeerst afkört wurrn in Ann. Dor is denn as Anbacksel (Suffix) to'n lüttjer maken (Diminutiv) de Form -tje rankamen (En anner Anbacksel is -ke, dorvun kummt denn de Naam Anke). So weer de Naam nu Annetje oder Anntje. Dat is denn mit de Tiet noch afslepen wurrn to Antje. Antje bedutt also so veel as Lütt Anna. Dat kann angahn, dat dat Suffix -tje vun de Nedderlannen över Oostfreesland un de Hannelssteder na Düütschland kamen is un de öllere Form Anke en beten trüchschaven hett. Alltohopen sünd Anke un Antje avers Naam, de bannig veel bruukt weert.

Kiek ok nah bi

• List vun plattdüütsche Vörnaams

Weblenken

• Wofaken un woneem de Vörnaam in Düütschland vörkummt: Antje