Anders Järryd

Vun Wikipedia
Wesseln na: Navigatschoon, Söök

Anders Järryd (* 13. Juni 1961 in Lidköping) is en ehmalger sweedsch Tennisspeler.

Järryd weer besünners as Düppelspezialist spoodriek. Tosommen mit sien Düppelpartner John Fitzgerald wunn he acht Grand-Slam-Düppelturniere. 1985 stunn he in dat Herreneenzel in dat Halffinale vun Wimbledon, verlor dor aber gegen den lateren Turniersieger Boris Becker.

Tennisloopbahn[ännern | Bornkood ännern]

Anders Järryd fung sien Tenniskarriere 1980 an. In' Schadden vun de Tennisgrötten Mats Wilander un Stefan Edberg wurr he wiels de 1980er Johren to en vun de spoodriekst sweedsch Tennisspelers vun all Tieden. Sien gröttsten Spood harr he dorbi in de Düppelkonkurenzen, wo he to de afsolute Weltklasse hörrn dee. Wiels sien Loopbahn wunn he acht Eenzel-, aber 59 Düppeltitel. Dorto stunn he in 16 ATP-Finals in't Eenzel un in 32 in't Düppel. Acht Düüeltitel wunn he in Grand Slam-Turnieren. Sien beste Platzeeren in de Tennis-Weltranglist weer Platz 5 in't Eenzel (22. Juli 1985) un Platz 1 in't Düppel (12. August 1985).

Järryd hett den eersten Düppeltitel 1983 bi de French Open halt. He speel gemeensam mit Hans Simonsson un se wunnen dat Finale gegen Mark Edmondson un Sherwood Stewart. Järryd wunn dat glieker Turnier ok 1987 un 1991, toletzt tosommen mit John Fitzgerald.

1987 wunn he de Düppeltitel bi de Australian Open un US Open gemeensam mit Stefan Edberg. Buterdem wunnen Järryd un Fitzgerald de Düppeltitel 1989 un 1991 in Wimbledon. Dat bedüüd, dat Anders Järryd in de Johren 1987 bit 1991 in dree vun veer Grand-Slam-Turnieren in't Düppel spoodriek weer un dat he to de Spelers hörrn deiht, de in hör Loopbahn all Grand-Slam-Turniere winnen kunnen.

Sien best Ergevnis as Eenzelspeler in en Grand-Slam-Turnier reck Järryd, als he 1985 in dat Halffinale vun Wimbledon gegen Boris Becker utscheeden dee.

Van 1981 bit 1993 hörr Järrysd ok to de sweedsch Davis Cup-Mannschap un speel in all tosommen 53 Wettkämpen, dorvan 33 in't Düppel tosommen mit Hans Simonsson, Stefan Edberg, Mats Wilander, Jan Gunnarsson un Hendrik Holm 1984 un 1987 wunn he mit de sweedsch mannschap den ok den Davis Cup. Later wurr Järryd Kapitän vun de sweedsch Davis-Cup-Mannschap.

Speler un Person[ännern | Bornkood ännern]

Anders Järryd weer as Tennisspeler ungeduldig un harr en „heet“ Temperament. Völ harrn dorüm Twiefel, of he en good Tennisspeler wurrn kunn. Ünner den Trainer John-Anders Sjögren hett he sück denn aber doch to en grooten, internatschonalen Speler entwickelt, de sowohl in’t Eenzel, aber ok in’t Düppel spoodriek weer.

An’ meesten is he aber as Weltklassespeler in’t Düppel. Dat he besünners geern un good Düppel spelen kunn, weer mit en Folg vun de Satzung, de de sweedsch Tennisverbund 1981 upstellt harr, as mehrere jung sweedsch Spelers en Spezialtraining vun dem ehmalgen austraalschen Elitespeler Roy Emerson kreegen. Järryd sien Speel hett sück 1981 bannig entwickelt, as he tosommen mit Mats Wilander un Joakim Nyström mit dat neebildt Team SIAB ünner Leitung vun John-Anders Sjögren ünner annern en Trainingsreis nah Australien maakt hett.

Anders Järryd hett sien Loopbahn 1996 afslooten. He leevt tosommen mit sien Kinner in Båstad, Sweden. He help dor in dat Tennisgymnasium mit un speelt aber ok mehrere Week in’t Johr up Seniorentouren.

2005 wurr Järryd in de Swedish Tennis Hall of Fame in Båstad upnommen un an’ 1. März 2010 wurr Järryd offiziell för de Upnahm in de International Tennis Hall of Fame nomineert. [1]

Grand Slam-Titel[ännern | Bornkood ännern]

Weblenken[ännern | Bornkood ännern]

Literatur[ännern | Bornkood ännern]

  • John-Anders „Jonte“ Sjögren und Jan Kotschack: „En bok om tennis“. ICA Bokförlag, 1992.

Enkeld Nahwiesen[ännern | Bornkood ännern]

  1. Nomineeren to de Upnahm in de Tennis Hall of Fame