Alkmene (Appel)
Alkmene is en Sort vun den Huusappel (Malus domestica). Dat is en Krüzen ut de Sorten Cox Orange un Geheemraat Dr. Oldenburg. De Alkmene is 1930 an’t Institut för Acker- un Plantenbo in Müncheberg togen worrn.
De Boom wasst teemlich swack un is anfallig för Boomkrebs un Füerbrand, nich aver gegen Mehltau un Schorf. He bruukt en milde Laag, ’n beten in’n Schadden, woneem de Blöten nich dör laten Frost bedrapen warrn künnt. De diploide Appelsort warrt vun Cox Orange, Golden Delicious un James Grieve goot befrucht. Man, in vele Aaftanborebeden gifft dat de Sort Alkmene nich. Ehr Bedüden is teemlich lütt.
De Blööttiet fangt Enn April an un geiht bit Mitt Mai. Se bleiht teemlich riek, de Fruchtbüüt is aver teemlich mau.
De Frucht is lütt bit middelgroot un rund. Se hett en goldgele, orange verwaschen Schell. Dat Fruchtfleesch is fast un knackig un hett en fien süerlichen, düchtig aromaatschen Smack. To’n Plücken riep is de Appel vun Anfang September bit Mitt Oktober, riep to’n Geneet is he vun September bit November. Ok in’n Köhllager hollt sik de Alkmene-Appel blots bit Enn November.
Kiek ok[ännern | Bornkood ännern]
Borns[ännern | Bornkood ännern]
- Manfred Fischer (Hrsg.): Farbatlas Obstsorten. S. 39. Ulmer, Stuttgart, 2. Opl. 2003, ISBN 3-8001-5547-8