Alim Market

Vun Wikipedia
Filmdaten
Plattdüütsch Titel:
Originaltitel: Alim Market
Düütsch Titel: Alim Market
Produkschoonsland: Düütschland
Johr vun’t Rutkamen: 2004
Läng: 14 Minuten
Originalspraak: Düütsch
Greeksch
Törksch
Filmkru
Speelbaas: Özgür Yıldırım
Dreihbook: Veronika Hampl
Produkschoon: Raoul B. Reinert
Musik: Martin Sponticcia
Kamera: Matthias Bolliger
Snitt: Roman Deppe
Dorstellers

Alim Market (op Platt so veel as „Alims Markt“) is en düütsche Kortfilm-Kummedie vun den düütsch-töörkschen Speelbaas Özgür Yıldırım ut dat Johr 2004. De Film speelt in Hamborg.

Inholt[ännern | Bornkood ännern]

De Film hannelt vun den jungen Törken Alim, de as Gröönhöker arbeit. In de glieken Straat gegenöver vun den egen Laden gifft dat noch en tweeten Gröönhöker, woneem de junge Greek Korda wahnt. Fröher weern de beiden mol befrünnt, man een Dag hett dat en Unfall geven, bi den Korda mit sien VW-Bus ut Versehen den Vadder vun Alim vör’n Laden doodföhrt hett. In de Familie wahnt baven den Laden ok noch de olle kranke Dede, de vun Alim foddert, dat he Korda ümbringt, üm so den Dood vun sien Vadder torüchtobetahlen un de Familienehr to wohren. Dede seggt, dat he in’t Paradies intehn müch, aver nich eher doodblieven kann, dat Alim sien Plicht doon hett.

Alim sitt nu twüschen de Stöhl: to’n een will he natürlich keen Ehrenmoord an sien Fründ Korda begahn, to’n annern aver drauht Dede, dat he sien Testament ännern lett un Alim dormit den Laden wegnimmt un an siene Kusine Sultan gifft, wenn he den Dood nich torüchbetahlt. He betekent em as’n Schannen för de Familie. Op Alim liggt nu en swoore Last. In de Nacht slickt he sik mit’n Mess bi Korda in de Slaapkamer, bringt dat aver natürlich nich över’t Hart, em wat antodoon. As’n annern Dag Sultan in’n Laden kummt un dat Regeer övernehmen will, sütt Alim blots noch een Utweg: Neemlich Dede an de Siet to maken, dat he sien Testament nich mehr ännern kann. As Alim in sien Kamer kummt, is de Ool aver al in Freden doodbleven. So mutt Alim nu doch nich to’n Verbreker warrn an all’ns nimmt en goot Enn.

Publikatschoon[ännern | Bornkood ännern]

De Film is as Bonusmaterial op de DVD vun den Speelfilm Chiko to finnen, de ok vun den Speelbaas Özgür Yıldırım is.

Weblenken[ännern | Bornkood ännern]