Alan Tudyk

Vun Wikipedia
Wesseln na: Navigatschoon, Söök
Alan Tudyk (2005)

Alan Wray Tudyk (* 16. März 1971 in El Paso, Texas) is en US-amerikaanschen Schauspeler.

Leven un Wark[ännern | Bornkood ännern]

Tudyk is in Plano in Bundsstaat Texas opwossen. Na de Highschool hett he 1990 un 1991 dat Lon Morris Junior College in Jacksonville besöcht, woneem he Dramatik studeert hett. He weer in disse Tiet aktiv Liddmaat vun Delta Psi Omega, wat de Collegegrupp is vun de US-amerikaanschen Theatervereenigen Alpha Psi Omega. 1991 hett he den Academic Excellence Award for Drama wunnen.

Sien Studium hett he 1993 an de Juilliard School wietermaakt, hett 1996 aver ahn Afsluss afbroken. Liekers harr he 1997 sien eerste Filmrull in dat Independent-Drama 35 Miles from Normal. Dorna hebbt sik regelmatig wietere Filmrullen anslaten. En grote Rull speel he to’n Bispeel 2004 in I, Robot. 1999 harr Tudyk sien eersten Optritt an’n Broadway mit dat Stück Epic Proportions un speelk dorna noch in en Reeg annere Stücken mit.

2002 hett he dree Figuren in den Film Ice Age snackt. Dat glieke Johr weer he för en Hööftrull in de Feernsehreeg Firefly ünner Verdrag nahmen. Inwüschen weer he in mehr as föfftig Produkschonen vun Film un Feernsehn to sehn.

Filmrullen (Utwahl)[ännern | Bornkood ännern]

Johr Titel Synchroonsnacker
1997 35 Miles from Normal  
2000 28 Days
dt.: 28 Tage
Santiago Ziesmer
2000 Wonder Boys
dt.: Die Wonder Boys
Albert Obitz
2001 A Knight’s Tale
dt.: Ritter aus Leidenschaft
Benedikt Weber
2001 Hearts in Atlantis
dt.: Hearts in Atlantis – Das Rätsel eines Sommers
Gerald Schaale
2002 Ice Age, Stimm verschedene
2002-03 Firefly, Feernsehreeg
dt.: Firefly – Der Aufbruch der Serenity
Robin Kahnmeyer
2004 I, Robot Florian Halm
2005 Rx  
2005 Serenity
dt.: Serenity – Flucht in neue Welten
Robin Kahnmeyer
2007 3:10 to Yuma
dt.: Todeszug nach Yuma
Jaron Löwenberg
2009 Astro Boy, Stimm  
2010 Tucker and Dale vs Evil Stefan Gossler
2011 Conception  
2011 Transformers: Dark of the Moon
dt.: Transformers 3
Jaron Löwenberg
2011 Alvin und die Chipmunks 3: Chipwrecked, Stimm
dt.: Alvin und die Chipmunks 3: Chipbruch
Marius Clarén
2011 Good Vibes, Feernsehreeg  
2011-12 Suburgatory, Feernsehreeg Patrick Schröder

Utteken[ännern | Bornkood ännern]

Tudyk hett opstunns noch keen grote Filmpriesen wunnen, man he weer 2005 för en MTV Movie Award un 2008 för en Screen Actors Guild Awards nomineert.

Weblenken[ännern | Bornkood ännern]

Commons-logo.svg Alan Tudyk. Mehr Biller, Videos oder Audiodateien to’t Thema gifft dat bi Wikimedia Commons.