1. FC Nürnberg

Vun Wikipedia
Wesseln na: Navigatschoon, Söök

De 1. FC Nürnberg Verein für Leibesübungen e. V., allgemeen bekannt as 1. FC Nürnberg (kortweg: 1. FCN oder „der Club“), is en olen Footballclub ut Nürnbarg. Grünnt wurrn is he an'n 4. Mai 1900. De Farven vun den Vereen sünd rood un witt, de olen Farven vun de Traditschoon her, sund avers wienrood un swart. In düsse Farven löppt de Ploog siet de Speeltied 2007/2008 ok wedder up. Präsident vun den Vereen is bit Anfang Oktober 2010 Franz Schäfer, achterna schall dat keen ehrenamtlichen Präsidenten mehr geven, man en hauptamtlichen Vörstand.[1]. De Vereen hett 13.113 Liddmaten (Stand: Oktober 2012).[2] Bit 1995 is de 1. FC Nürnberg ok en Sportvereen ween. Vun de Tied af an is de Herren-Football-Afdeelung en egenstännigen Vereen unner den olen Naam 1. FC Nürnberg VfL e. V. He höört, just as de annern Afdeelungen vun den Vereen, de sülvstännig wurrn sünd (Boxen, Handball, Schach etc.) to den 1. FCN Dachverein e. V. mit to.

Bekannt is avers sunnerlich de Football-Afdeelung mit ehre 14.000 Liddmaten un dor nu sunnerlich de Profi-Mannschop.

De Club hett negen Mol de Düütsche Footballmeesterschop wunnen. Dor is he bit 1987, mehr as 60 Johre lang, düütschen Rekordmeester mit ween. Denn hett de FC Bayern München em aflööst. Vun den Summer 2009 af an höört de Vereen wedder to de 1. Football-Bundsliga.

Tohuse speelt de Football-Ploog in dat vörmolige Frankenstadion, dat avers hüdigendags den Naam Stadion Nürnberg kregen hett. Dor passt 50.000 Tokiekers rin.

Bekannt Speler[ännern | Bornkood ännern]

Hans Kalb, Max Morlock, Luitpold Popp, Heinrich Stuhlfauth, Dieter Eckstein, Stefan Kießling, Frank Baumann, Angelos Charisteas.

Belege[ännern | Bornkood ännern]

  1. Abendzeitung: Schäfer will weitermachen (abgerufen am 28. August 2010)
  2. Abendzeitung vom 13. Oktober 2009: 1. FC Nürnberg: Was mit der neuen Satzung anders wird