Boxen
Boxen is een Fechtsport. Twee Gegenfechters haut mit hehr Füüst nah malkanner. Se probeert Punten to scoren, indem dat se sick up Hööft un Lief haut of se versöökt al tovörn dör een knock out to winnen. Van Belang is Kracht, man sünnerlich mööt een rapp un snell utwiken un toslagen. Training un Weddstrieden warrt evenso för Mannslüüd un Frunnslüüd anbaden.
Dor sünd veer Weeg, een Match to winnen: k. o. (=knock out)., t(ecnisch). k. o., Disqualitfikatschoon un Sieg dör Punten. Een eenfach k. o. (knockout) is dat, wenn de Gegenfichter dör een Hau uutknockt warrt, to Boddem fallt un denn achternah nich ehrder wedder hoochkümmt, ehr dat de Referee bit to teihn tellt hett. Een technisch k. o. is dat, wenn de Referee een van de Gegenfechters nicht verlööft förder to kämpfen. Ook de Trainer kann een Dwehl in de Ring warpen as Teken, dat sien Sportler upgifft. Wunnen hett een Boxer ook ,wenn sien Gegenfechter disqualifizeert wart, fördat he een Regel braken hett. Wenn över de heel Tall van bedungen Runden dörboxt warrt, winnt dejenne, de mehr Punten scort hett. Punten geböhrt dör een inkelt Slag of een Verschakeln van verschillen Slääg.
Boxen warrt tomehrst as Amateursport uutöövt, man it gifft ook Profiboxing.
[ännern] Techniken
Boxers kennt veer Basistechniken.
-
Cross-counter (counter punch)
-
Half uppercut
- Jab: De Boxer stött een mit sien Vörhand (lead hand of forward hand) piel vörnruut.
- Cross: Dor stött een mit de Achterhand (rear hand) piel vörnruut.
- Hook: De Boxer sleiht een mit een van sien Hannen up de Weg van een halwig Zirkel waagrecht
- Uppercaut. De Boxer haut up de Weg van een Baag lootrecht van ünnen nah baven.
Een Punkt gifft, dat wenn Hööft of Torso drapen warrt. In Amateurboxen hebbt de Hanschen vörn witt Flääch. Punten warrt dor bloots todeelt, wenn jüst mit düss Part drapen warrt.
[ännern] Beschirmen
Vanwegen dat Boxers sick malkanner besehren köönnt un ook doodblieven könnt, sünnerlich wenn sick de Folgen van Slääg över Johren upsummeren doot, sünd dor Reglen för’t Beschirmen. All Boxers mööt Boxhandschen dregen, Amateurboxers ook Helms. Bi Weddstrieden binnen dat olympsch Boxen dröfft Boxers bloots Handschen un Helms dregen, wat dör de de AIBA (Association Internationale de Boxe Amateur) goodkannt sünd un wor een AIBA Stempel up print is.
Fördermehr mööt Boxers een Bitje (mouth guard) dregen, üm Tähn un Gagels to schütten.
[ännern] Weblinken
