Åse Kleveland

Vun Wikipedia
Wesseln na: Navigatschoon, Söök
Åse Kleveland 2007

Åse Kleveland (* 18. März 1949 in Stockholm) is en sweedsch-norweegsche Musikerin un Politikersche.

Leven[ännern | Bornkood ännern]

Kleveland is in’t Johr 1956 na Norwegen tagen. An de Universität Oslo hett se Rechtswetenschoppen studeert mit sünnern Swoorpunkt op dat Oorheverrecht. As Musikersche is se 1966 mit dat Leed Intet er nytt under solen bi den Eurovision Song Contest dorbi wesen un keem op den drüdden Platz. In de 1980er Johren stünn se as Präsidentsche an de Spitz vun de Vereenigen vun de norweegschen Künstlers un Musikers. 1986 hett se in Bergen den eersten Eurovision Song Contest modereert, de in Norwegen stattfunnen hett.

In ehr politische Arbeit hett Kleveland vun 1986 bit 1990 en Raat för Gliekberechtigung vun de norweegschen Regeeren leidt. Dorna weer se vun 1990 bit 1996 Kultusministersche för de Arbeiderpartiet in’t Kabinett ünner Gro Harlem Brundtland. In disse Funkschoon hett se 1994 de politische Leitung vun de Olympschen Winterspelen in Lillehammer övernahmen[1].

Vun 2000 bit 2006 weer se Präsidentsche vun’t Sweedsche Filminstitut. In’n Juni 2007 is se Vörsittersche worrn vun den Human-Etisk Forbund, wat en humanistische Organisatschoon in Norwegen is.

Weblenken[ännern | Bornkood ännern]

Borns[ännern | Bornkood ännern]

  1. PDF