Zevener Volksbank
De Zevener Volksbank eG is en Volksbank mit Seet in Zeven. De Bank höört to’n Genossenschaftsverband un hett acht Filialen in dat Zentrum von’n Landkreis Rodenborg. Den Vörstand billt Werner Bruns un Jochen Johannsen, de Vörsitter von’n Opsichtsraad is Hans-Georg Bahlburg.
De BLZ is 241 615 94 un de BIC GENO DEF1 SIT. De Bilanzsumm weer an’n 31. Dezember 2011 462 Millionen Euro, de Inlagen weren 337 Millionen Euro un de Kunnenkredite 308 Millionen Euro. De Bank hett 159 Mitarbeiders un 10.940 Maten.
Blangen Zeven hett de Volksbank ok noch Filialen in Heeßel, Lauenbrüch, Narbn, Rhaar, Sürsen, Zittens un Tarms.
Historie
[ännern | Bornkood ännern]Volksbank Sürsen
[ännern | Bornkood ännern]De Spoor- un Dorlehnskass Sürsen is an’n 6. Januar 1912 grünnt worrn un hett 1974 den ne’en Naam Volksbank Sürsen kregen. 1992 is se dör Fusion mit de Volksbank Zittens tohoopgahn.
Volksbank Rhaar
[ännern | Bornkood ännern]De Spoor- un Dorlehnskass Rhaar is an’n 26. Mai 1906 grünnt worrn. Later hett se Volksbank Rhaar heten un 2000 denn dör Fusion Deel von de Zevener Volksbank worrn.
Volksbank Heeßel
[ännern | Bornkood ännern]An’n 16. Februar 1881 is de Vörschuß- un Spoorvereen för dat Kaspel Heeel grünnt worrn. Later hett se Spoor- un Dorlehnskass Heeßel heten. An’n 11. April 1978 is se mit de Volksbank Narbn tohoopgahn un hett denn Volksbank Heeßel heten. 1998 is se dör Fusion mit de Volksbanken Zittens un Zeven Deel von de Zevener Volksbank worrn.
Volksbank Zittens
[ännern | Bornkood ännern]De Spoor- un Dorlehnskass Zittens is an’n 26. Oktober 1937 indragen worrn. An’n 21. Juni 1973 hett se den ne’en Naam Volksbank Zittens eG kregen. 1988 is se denn dör Fusion Deel von de Volksbank Zeven worrn.
Volksbank Narbn
[ännern | Bornkood ännern]De Spoor- un Dorlehnskass in Narbn is 1922 grünnt worrn. 1978 is se mit de Spoor- un Dorlehnskass Heeßel tohoopgahn to de Volksbank Heeßel.
Volksbank Zeven
[ännern | Bornkood ännern]De Gewarvbank Zeven is an’n 1. Dezember 1926 grünnt worrn. Later hett se Volksbank Zeven heten un hett sik 1988 mit de Volksbank Zittens, 1998 mit de Volksbank Heeßel un 2000 mit de Volksbank Rhaar tohoopdaan. Dor is denn de hüdige Zevener Volksbank eG bi rutkamen.
Vörsitters von’n Opsichtsraad:
- 1926-1949: Diedrich Müller
- 1951-1959: Fritz Schwiebert
- 1959-1968: Otto Lühmann
- 1968-1981: Fritz Busse
- 1981-: Dietrich Jeschke
Weblenken
[ännern | Bornkood ännern]- Websteed von de Volksbank (hoochdüütsch)