Zetta

Zetta is en Vörsülv (Präfix), de bi Maateenheiten – t. B. ok in dat SI-System – bruukt warrt. Dat Woort is vun dat italiensche sette afleidt, wat översett söven heet. Bi de Maateenheiten bedüd zetta een trilliardenmol dat Oorsprüngliche. Zetta warrt mit den Bookstaven Z afkött. Dat warrt eenfach vör dat Eenheitenteken sett: T. B. is een Zettameter (1 Zm) een Trilliarden Meter (1.000.000.000.000.000.000.000 m oder ok 10²¹ m oder (10³)⁷ m).