Zdeňka Vávrová
Zdeňka Vávrová (* 1945)[1] is en tschechische Astronomsche.
Leven un Wark
[ännern | Bornkood ännern]Vávrová hett sik veel üm’t Beobachten vun Asteroiden in’t Sünnsystem kümmert. Se hett lange Tiet an de Kleť-Steernwacht arbeit, woneem se ünner annern ok den perioodschen Komeet mit de Beteken 134P/Kowal-Vávrová opdeckt hett. Dat Objekt harr keen Koma un is vun ehr toeerst as Asteroid ansehn worrn, man latere Opnahmen vun Charles Kowal wiesen denn doch en Koma. Dormit weer dat Objekt as Komeet nawiest.
Butendem hett se in de Tiet vun 1978 bit 1991 115 Asteroiden opdeckt. Na ehr sülvst is de Asteroid 3364 Zdenka nöömt, den ehr Kolleeg Antonín Mrkos 1984 opdeckt hett.