Wouter Weylandt

Wouter Weylandt (* 27. September 1984 in Gent; † 9. Mai 2011 in Mezzanego^[1]) weer en belgischer Radrennfohrer.

Leven

Wouter Weylandt wunn 2004 dat U23-Rennen vun de GP Waregem. In‘ Harvst fohr he denn för Quick•Step-Innergetic as Stagiaire un kreeg dornah en Profiverdrag bi dat ProTour-Team för de nächste Saison. 2005 wunn he den belgischen GP Briek Schotte. Bi de ENECO Tour 2006 keem he in en Deelstreck up den darten Platz in‘ Massensprint, veer Sekunn achter den Utrieter Manuel Quinziato. Sien gröttste Erfolge weer Etappensiege bi de Vuelta a España 2008 un den Giro d’Italia in dat Johr 2010.

To de Saison 2011 is Weylandt vun Quick Step to dat nee grünnd Team Leopard Trek wesselt

Dödlich Unfall

An‘ 9. Mai 2011 keem Weylandt bi dat Radrennen Giro d’Italia 2011 in de Affohrt vun‘ Passo del Bocco, rund 25 Kilometer vör dat Ziet vun de darte Deelstreck in Rapallo to Malör. As he nah achtern keeken hett, um sück över de aktuell Rennsituatschoon klor to wurrn, hett he mit dat linke Pedaal oder linke Lenkersiet en Müer striept un wurr dordör circa 20 Meter wiet up de anner Straatensiet schleudert, wo he mit en annern Gegenstand kollideeren dee.^[2] Weylandt hett sück dorbi en Schädelbasisbrook totrucken un is trotz sofort inleid Wedderbelevensversöök noch an de Unfallstäe storven.^[3]