World Athletics

Vun Wikipedia
Zur Navigation springen Zur Suche springen
Dat Logo vun’n Verband
De amteren Präsident vun World Athletics Sebastian Coe

De World Athletics (Weltlichtathletikverband) is de Dackverband vun all natschonale Sportverbännen för Lichtathletik. Se is an’n 17. Juli 1912 op en Kongress in Stockholm vun Afsennte ut 17 Länner as International Amateur Athletics Federation (IAAF) grünnt worrn.

Opstunns höört 214 Liddmatenverbännen to World Athletics, de siet Oktober 1993 ehrn Sitt in Monaco hett. Vördem weer dat Büro in London ünnerbröcht. Präsident vun World Athletics is aktuell Sebastian Coe ut Grootbritannien, de dat Amt in’n August 2015 vun sien Vörgänger Lamine Diack övernahmen hett.

Opgaven[ännern | Bornkood ännern]

Dat wichtigste Opgavenfeld vun de International Association of Athletics Federations is dat Standardideren vun Methoden to’n Tietmeten un vun Rekorden. World Athletics is butendem Utrichter vun tallrieke internatschonale Lichtathletik-Wettstrieden, so as de Lichtathletik-Weltmeesterschoppen (siet 1983). Bito föhrt un wohrt de IAAF de Listen vun de offiziellen Weltrekorden.

In’t Johr 1982 hett World Athletics ehr Statuten ännert, üm för de Athleten de Mööglichkeit intorichten, för jemehr Deelnahm an internatschonale Veranstalten Opwandsentschädigungen to kriegen. Bi den Kongress 2001 is denn as logischen Schritt de Begreep Amateur ut’n Naam streken worrn, un de Verband kreeg den Naam International Association of Athletics Federations.

As de Verband in’t Johr 2012 1000 Johr oolt worrn is, is en IAAF Hall of Fame inricht worrn. Dor warrt Athleten opnahmen, de nich mehr aktiv sünd un sik in jemehr aktive Loopbahn dör sünnere Leistungen uttekent hebbt. De Opnahm in de Hall of Fame gellt as de höchste Utteken vun den internatschonalen Lichtathletikverband.[1]

Veranstalten[ännern | Bornkood ännern]

De IAAF organiseert verschedene Veranstalten:

Präsidenten[ännern | Bornkood ännern]

Kontinentalverbännen[ännern | Bornkood ännern]

Weblenken[ännern | Bornkood ännern]

Commons-logo.svg World Athletics. Mehr Biller, Videos oder Audiodateien to’t Thema gifft dat bi Wikimedia Commons.

Borns[ännern | Bornkood ännern]

  1. IAAF President’s Message bi iaaf.org (PDF-Datei, engelsch; afropen an’n 22. September 2012).