Wonsan

Wonsan (koreaansch 원산) is en Havenstadt an de Bucht von Oost-Korea (Deel von de Japaansche See) in de Provinz Kangwon in Noordkorea. Wonsan is de Höövdstadt von Kangwon un hett 329.207 Inwahners (Stand 1. Januar 2005) op en Rebeed von 269 km².

Historie

De Stadt weer von 1880 af an as Hannelshaven ok för Butenlanners apen. De Europäers hebbt den Haven un de Stadt to düsse Tied Port Lazaref nöömt. In de Tied von de Japaansche Herrschop in Korea 1910 bet 1945 hebbt de Japaners de Stadt Genzan nöömt.

Bet 1946 weer Wonsan Deel von de Provinz Süüd-Hamgyong, is denn aver Deel von Kangwon un ok glieks de Höövdstadt worrn, denn de olen Höövdstäder von Kangwon, Wonju un Chuncheon, legen denn in Süüdkorea.

In’n Koreakrieg harrn de Noordkoreaners vör Wonsan Seeminen leggt. De UN-Truppen hebbt an’n 10. Oktober 1950 anfungen, de Minen to rümen un dat so mööglich to maken, mit Truppen to lannen. Disse Brüggenkopp schull de Amerikaners verlöven, en ne’e Front apentomaken un von Oosten her na Pjöngjang to marscheren. Aver noch ehrdat de Lanntruppen lannen kunnen, harrn de Noordkoreaners sik trüggtagen un de Süüdkoreaners un Briten weren op Land bet Wonsan vörrückt. De UN-Truppen hebbt de Stadt bet to’n 9. Dezember 1950 hollen, denn müssen de Amerikaners vör de Noordkoreaners trüggwieken, de middewiels Hülp von de Chinesen kregen harrn. In de Blockaad von Wonsan hebbt UN-Truppen den Haven von Wonsan denn von’n 16. Februar 1951 bet to’n 27. Juli 1953 kumplett blockeert.

Religion

In Wonsan liggt dat Klooster von de Territorialabtei Tokwon, dat 1949 ünner Kim Il-sung dichtmaakt worrn is.

Verkehr

De Bahnhoff Wonsan liggt an de Kangwon-Iesenbahnlien. Ans gifft dat bi de Stadt ok noch den Flegerhaven Wonsan.

Von Wonsan föhrt ok de Mangyongbong-92, wat de eenzigst Fähr is, de Noordkorea un Japan verbinnen deit.

Weertschop

För Wonsan wichtig is vör allen de Haven mit Warften un Fischeree. Ans gifft dat ok noch Chemieindustrie un en Zementwark.

Sport un Freetied

Ut Wonsan kummt de Sportvereen Woonpasan, de in de eerste Liga von Noordkorea Football speelt.

De Oort Songdowon bi Wonsan is en wichtigen Baadoort in Noordkorea.

Delen

Wonsan is indeelt in 40 Stadtdelen un 15 Dörper.

Stadtdelen:

Changchon (장촌, 場村)
Changdok (장덕, 長德)
Changsan (장산, 長山)
Chokchon (적천, 赤川)
Chonjin (전진, 前進)
Chungchong (중청, 中淸)
Haean (해안, 海岸)
Haebang (해방, 解放)
Kaeson (개선, 凱旋)
Kalma (갈마, 葛麻洞
Kwangsok (광석, 廣石)
Kwanpung (관풍, 館豊)
Myongsok (명석, 銘石)
Naewonsan (내원산, 內元山)
Namsan (남산, 南山)
Panghasan (방하산, 訪霞山)
Pokman (복막, 福幕)
Pongchun (봉춘, 鳳春)
Pongsu (봉수, 鳳水)
Pyonghwa (평화, 平和)
Ryodo (려도, 麗島)
Ryongha (룡하, 龍下)
Ryul (률, 栗)
Sambong (삼봉, 三峰)
Sang (상, 上)
Segil (세길동)
Sinhung (신흥, 新興)
Sinpung (신풍, 新豊)
Sinsong (신성, 新成)
Soku (석우, 石隅)
Songchon (송천, 松川)
Songhung (송흥, 松興)
Sungri (승리, 勝利洞
Tap (탑, 塔)
Toksong (덕성, 德成)
Tongmyongsan (동명산, 東明山)
Wau (와우, 臥牛)
Wonnam (원남, 元南)
Wonsok (원석, 原石洞
Yangji (양지, 陽地)

Dörper:

Changrim (장림, 長林)
Chilbong (칠봉, 七峰)
Chuksan (죽산, 竹山)
Chungpyong (중평, 仲坪)
Chunsan (춘산, 春山)
Hyondong (현, 現洞)
Namchon (남천, 南川)
Raksu (락수, 洛水)
Ryongchon (룡천, 龍川)
Samtae (삼태, 三臺)
Sangja (상자, 上慈)
Sinsong (신성, 新城)
Sokhyon (석현, 石峴)
Susang (수상, 水上)
Yongsam (영삼, 永三)

Weblenken

Wonsan. Mehr Biller, Videos oder Audiodateien to’t Thema gifft dat bi Wikimedia Commons.

Ünnerafdelen von Kangwon

Städer: Munchon | Wonsan (Höövdstadt)

Koordinaten:39° 9′ N, 127° 26′ O