Erhard Wolfkühler

Erhard Wolfkühler (* 5. Juni 1943 in Aßel; † 6. Februar 2013) weer en düütschen Politiker.

Wolfkühler is 1943 in Aßel boren. He weer in Aßel op Volksschool un denn in Drochters op Realschool. Na’n Afsluss op de Realschool hett he en Lehr as Groothannelskoopmann maakt. Na’n Kommiss dee he as koopmännschen Angestellten arbeiden. Op’n tweten Bildungsweg möök he sien Abitur un dee denn Bedrievsweertschop an de Fachhoochschool Kassel studeren. Na dat Studium weer he eerst Baas för Personal un Sozialet, later Geschäftsföhrer vun de Standoortentwicklungssellschop vun de VAW Aluminium in Stood.

Wolfkühler weer siet 1981 in de SPD. He weer von 1986 bet to’n 31. März 2009 Raatsherr in de Gemeen Drochters un von 1996 bet 2004 Vörsitter vun de SPD-Frakschoon. Vun 2001 af an weer he ok in’n Kreisdag vun’n Landkreis Stood. In’n Landdag vun Neddersassen seet he van 1998 bit 2008. Bi de Landdagswahl an’n 1. März 1998 hett he sik mit 50,2 % von de Eerststimmen in’n Wahlkreis Stood gegen Karsten Behr von de CDU (36,8 %) dörsett. Bi de Landdagswahl an’n 2. Februar 2003 kunn he den Wahlkreis nich wedder winnen un hett bi 36,3 % von de Eerststimmen den Wahlkreis an Karsten Behr (54,6 %) verloren. He is aver liekers över de Landslist in’n Landdag rinkamen.

He weer verheiraadt un harr twee Kinner.