Wolfgang Weber (Footballspeler)
.jpg)
Wolfgang Weber (* 26. Juni 1944 in Schlawe, Pommern) is en ehmalger düütsch Footballspeler. He wurr meestens as Vörstopper insett. Sien Ökelnaam weer „Bulle“.
Leven
[ännern | Bornkood ännern]Weber, vör Kriegsenn‘ in den dormaligen Landkreis Schlawe nich wiet weg vun de pommersch Ostseeküst boren, is af 1950 in Porz bi Köln upwussen. Sien Loopbahn as Footballspeler fung in dat Öller vun 10 Johren bi de SpVg. Porz an. Bi en Jöögdutwahlspeel hett hüm de dormalige Trainer Zlatko Čajkovski opdeckt un hem to den 1. FC Köln haalt.
Wolfgang Weber speel as Afwehr- un Middelfeldspeler in de Bundsliga van 1963 bit 1978 in 356 Spelen[1] för den 1. FC Köln (21 Doren) un wurr 1964 un 1978 mit den Vereen Düütsch Meester. Buterdem wunn he mit Köln 1968, 1977 un 1978 den DFB-Pokal.
Weber nehm 1966 an de WM in England un 1970 an de WM in Mexiko teil. 1966 wurr he Viezweltmeester un 1970 WM-Dart. He hett tüschen 1964 un 1974 insgesamt 53 Lännerspelen maakt un dorbi twee Doren schaaten.[2] Een vun sien beid Doren weer dorbi dat 2:2 in dat WM-Endspeel 1966 gegen England in de letzt Minüüt vun de regulär Speeltiet, wat de düütsch Natschonalmannschap in de Verlängerung retten dee. Legendär weer de Härte vun den 1,77 m grooten Binnenverteidiger gegen sück un sien Gegenspeler. Bi dat Veertelfinalspeel 1965 in den Europapokal vun de Landsmeester gegen den engelschen Meester FC Liverpool hett sück Weber dat Wadenbeen braaken un hett dormit aber bit to dat Enn‘ wieder speelt, wiel man to de Tiet noch nich utwesseln drüff.[3] Dat Speel wurr eerst dör dat „Müntensmieten vun Rotterdam“ togunsten vun Liverpool entscheed.
Weber hett sien Loopbahn 1978 afslooten. Gemeensam mit sien Früend Hannes Löhr hett he an‘ 25. Oktober 1978 in Köln sien Afscheedsspeel gegen de düütsch Footballnatschonalmannschap bestreeden. Nah 32 Minüüt gungen de beid Ex-Natschonalspeler bi en Speelstand vun 1:1 dör en vun de FC- un Natschonalelfspelern bild Spalier ünner grooten Bifall vun‘ Platz. Tovör harrn se för 25.000 Tokiekers in de vun Hennes Weisweiler betrüet FC-Elf up hör langjohrig Stammpositschonen nochmals hör Können upblitzen laaten. Bernd Schuster un Holger Willmer wurr för de beid verdeent Speler inwesselt. Gerd Zewe hett mit sien Door in de 43. Minüüt den 2:1-Endstand för de DFB-Utwahl herstellt.[4]
Later weer Weber as Trainer för Werder Bremen tätig. Bit 1970 hett he tonächst en Sportstudium maakt, dat he denn tonächst nich wieder verfolgen, aber nah sien Footballkarriere in de 1990er Johren weer upnehm.[5]
Weber sett sück as Footballbotschopper bi de Special Olympics in. Dorför wurr he in‘ Januar 2011 mit dat Bundsverdeenstkrüüz an‘ Band ehrt. De Orden wurr an‘ 20. Januar 2011 vun den Kölner Böverbörgermeester Jürgen Roters övergeven.[6] An‘ 30. Juli 1966 harr he all dat Sülvern Lorbeerblatt verleeht kreegen.[7]
Statistik
[ännern | Bornkood ännern]- 53 Lännerspelen; 2 Dore för Düütschland
- 1 B-Lännerspeel
- 1. Bundsliga; 356 Spelen, 21 Doren
- DFB-Pokal; 50 Spelen; 7 Doren
- Europapokal vun de Landsmeester, Europapokal vun de Pokalsieger, UEFA-Pokal; 63 Spelen; 4 Doren
Trivia
[ännern | Bornkood ännern]Weber harr eenige Johren ehrenamtlich in de Klostergörneree vun de Alexianer in Porz arbeit. He helpt jetzt ehrenamtlich bi de Pleeg vun Gröönflachen in Porz.[8]
Weblenken
[ännern | Bornkood ännern]- Interview mit Wolfgang Weber in de Kölnischen Rundschau van‘ 24. Juli 2016
- Wolfgang Weber in de Datenbank vun Weltfussball.de
- Wolfgang Weber bi Fußballdaten.de
- Wolfgang Weber up de Sieden vun den DFB
Enkeld Nahwiesen
[ännern | Bornkood ännern]- ↑ Matthias Arnhold: [1] Wolfgang Weber - Matches and Goals in Bundesliga van‘ 15. Juni 2017, afropen an‘ 20. Juni 2017; RSSSF
- ↑ Matthias Arnhold: [2] Wolfgang Weber - International Appearances van‘ 15. Juni 2017, afropen an‘ 20. Juni 2017; RSSSF
- ↑ 11. Freunde # 121, Dezember 2011, S. 59.
- ↑ Kicker-Sportmagazin: Nr. 87/43. Woche. 26. Oktober 1978. S. 3.
- ↑ "Wie geht's – Wolfgang Weber", Sport Bild vom 30. Juli 1997, S. 70.
- ↑ Kölner Stadtanzeiger van‘ 21. Januar 2011, S. 20 online
- ↑ Unterrichtung des Bundestages durch die Bundesregierung vom 29. 9. 1973 - Drucksache 7/1040 - Anlage 3 Sieden 54 ff., hier Siet 59
- ↑ http://www.rundschau-online.de/region/koeln/interview-mit-wolfgang-weber-die-fussball-legende-mit-der-greifzange-24441422