Gerd Zewe

Vun Wikipedia
Zur Navigation springen Zur Suche springen

Gerd Zewe (* 13. Juni 1950 in Stennweiler) is en ehmalger düütsch Footballspeler.

Loopbahn[ännern | Bornkood ännern]

Borussia Neunkirchen, 1969 bit 1972[ännern | Bornkood ännern]

De jung Amateurfootballer vun den SV Stennweiler keem an den eersten Speeldag vun de Saison 1969/70 in de Regionalliga Südwest in dat Ellenfeldstadion bi Borussia Neunkirchen to sien höhgerklassig Insatz. Sien Trainer weer dor Kurt Sommerlatt. In de Saisons 1970/71 und 1971/72 hörr de der technisch herutragen Middelfeldspeler mit Kombinatschonsgaaav de twee Meestermannschapen vun de Borussia in‘ Südwesten an. In den Upstiegsrunnen hemm sück aber Fortuna Düsseldorf un de Wuppertaler SV dörsett. Zewe nehm to de Runn 1972/73 dat Angebot vun Fortuna Düsseldorf an un is in de Bundsliga wesselt.

Fortuna Düsseldorf, 1972 bit 1987[ännern | Bornkood ännern]

He speel denn van 1972 bit 1987 bi Fortuna Düsseldorf as Middelfeld- un Afwehrspieler. Insgesamt hett he in de Bundsliga 440 Insätze harrt, in de he 42 Doren schaaten hett,[1] womit he bit hüüd de Rekordspeler vun de Rhienländer in de Bundsliga is. In sien Debütjohr in de Bundsliga, 1972/73, hett he all 34 Ligaspelen ünner den Trainer Heinz Lucas bestreeden un keem mit de Fortuna an’t Enn‘ up Platz 3. Sien letzt Bundsligaspeel hett he an‘ 17. Juni 1987 maakt. 1979 un 1980 wurr he mit de Fortuna DFB-Pokalsieger. An‘ 16. Mai 1979 stunn he mit de Fortuna in dat Endspeel vun den Europapokal vun de Pokalsieger, dat Fortuna unglückelk mit 3:4 gegen den FC Barcelona verlor.

Bi den Würzburger Kickers leet he af 1987 sien Loopbahn utklingen.

Natschonalmannschap, 1973 bit 1979[ännern | Bornkood ännern]

Noch ünner Bundstrainer Helmut Schön wurde he in‘ März un Mai 1973 in de Juniorennatschonalelf U-23 bi de Lännerspelen gegen de USA un Däänmark eerstmals in dat Middelfeld test. In‘ September 1973 keem he in dat EM-Qualifikatschonsspeel gegen Polen to’n Insatz. In dat Weltmeesterschapsjohr 1978 wurr he an‘ 21. Februar gegen England un an‘ 18. April gegen Sweden as Libero in de Düütsch B-Footballnatschonalmannschap insett.

In de Natschonalmannschap weer he 1978 un 1979 in veer Spelen aktiv[2] un nehm 1978 mit de düütsch Natschonalmannschap an de Weltmeesterschap in Argentinien deel, keem dor aber nich to’n Insatz. To sien veer A-Lännerspeelinsätzen keem Gerd Zewe glieks nah de WM 1978 ünner den neen Bundsstrainer Jupp Derwall. Zewe weer de letzte Speler vun Fortuna Düsseldorf, de in en düütsch WM-Kader stunn (Stand 2017).

Amateurtrainer[ännern | Bornkood ännern]

Nah sien lang un spoodriek Spelerkarriere weer Zewe as Trainer ünner annern bi 1. FC Union Solingen, SC Kapellen-Erft, TuS Grevenbroich un 1. FC Viersen tätig. Bit März 2013 weer he Jöögdtrainerberader bi de DJK Eintracht Hoeningen.

Literatur[ännern | Bornkood ännern]

  • Ulrich Homann (Hrsg.): Höllenglut an Himmelfahrt: die Geschichte der Aufstiegsrunden zur Fußballbundesliga 1963–1974. Klartext-Verlag, 1990, ISBN 3-88474-346-5
  • Matthias Weinrich: Enzyklopädie des deutschen Ligafußballs: die Gründerjahre 1963–1975. Agon-Verlag, 1998, ISBN 3-89784-132-0
  • Matthias Weinrich: Enzyklopädie des deutschen Ligafußballs: Tore, Krisen & ein Erfolgstrio 1975–1987. Agon-Verlag, 1999, ISBN 3-89784-133-9

Weblenken[ännern | Bornkood ännern]

Enkeld Nahwiesen[ännern | Bornkood ännern]

  1. Matthias Arnhold: [1] Gerd Zewe - Matches and Goals in Bundesliga van‘ 21. Januar 2016, afropen an‘ 28. Januar 2016; Rec.Sport.Soccer Statistics Foundation
  2. Matthias Arnhold: [2] Gerd Zewe - International Appearances; van‘ 21. Januar 2016, afropen an‘ 28. Januar 2016, Rec.Sport.Soccer Statistics Foundation