Wolfgang Schwenk

Vun Wikipedia

Wolfgang Schwenk (* 5. August 1931 in Hamborg; † 9. Mai 2011[1] in Stood[2]) weer en düütschen Politiker von de SPD.

Schwenk is 1931 in Hamborg boren. He weer von Beroop Chemiehülpswarker, Jurist un Verwaltungsbeamten. Bevör he in de Politik gahn is hett he von 1965 af an as Dezernent un Stadtrechtsraad bi de Stadt Stood arbeidt.[2]

Schwenk weer dree Maal verheiraadt, all dree Ehn sünd scheedt worrn.[1] He harr twee Döchter.[3] Blangen de Politik weer Schwenk ok von 1980 bet 1995[4] as Präsident von’n Sportvereen TuS Güldenstern Stood aktiv.[3] He weer dor Ehrenpräsident un Ehrenmaat.[4]

An’n 3. Juni 1974 is he för den Afornten Hans Hermsdorf in’n Düütschen Bundsdag narückt. Schwenk is bet 1987 Afornten bleven. Mit Utnahm von de Wahl 1980, as he mit 46,5 % von de Eerststimmen in’n Wahlkreis Stood direkt wählt worrn is, is he jümmer över de SPD-Landslist Neddersassen in’n Bundsdag rinkamen. In siene Tied in dat Parlament weer he ünner annern Viez-Vörsitter von’n Rechtsutschuss.[1]

Schwenk weer von 1981 bet 1996 in’n Kreisdag von’n Landkreis Stood un von 1994 bet 2004 in’n Stadtraad von Stood.[1]

Schwenk is 1963 in de SPD rin.[1] Von 1970 bet 1986 weer he Viez-Bezirksvörsitter von’n SPD-Bezirk Noord-Neddersassen, na disse Tied bet 1989 Bezirksgeschäftsföhrer. Von 1977 bet 1988 weer he Maat von’n Stoder SPD-Kreisvörstand, von 1980 af an as Vörsitter.[3]

Literatur[ännern | Bornkood ännern]

Footnoten[ännern | Bornkood ännern]

  1. a b c d e Peter von Allwörden: SPD-Politiker Schwenk ist gestorben. In: Stader Tageblatt, 11. Mai 2011, S. 16. Afropen an’n 11. Mai 2011.
  2. a b Horst Reinecke: Dr. Wolfgang Schwenk ist tot. Ehemaliger SPD-Bundestagsabgeordneter gestorben. In: Neue Stader Wochenblatt, 14. Mai 2011, S. 27.
  3. a b c Trauer um SPD-Politiker Wolfgang Schwenk. In: Hamburger Abendblatt, 11. Mai 2011. Afropen an’n 21. Mai 2011.
  4. a b Todesanzeige des TuS Güldenstern Stade e. V. In: Stader Tageblatt, 14. Mai 2011, Sied 25.