Wladislaw Nikolajewitsch Wolkow

Vun Wikipedia
Wesseln na: Navigatschoon, Söök

Wladislaw Nikolajewitsch Wolkow (russisch: Владислав Николаевич Волков}}, wetenschaplich Transliteratschoon Vladislav Nikolaevič Volkov; * 23. November 1935 in Moskau; † 30. Juni 1971) weer en sowjeetsch Kosmonaut, de an de Sojus-11-Mission deelnommen hett un dorbi to Dood keem.

1953 fung he en Studium an dat Moskauer Luftfahrtinstitut (MAI) an, nah den Afsluss dor hett he as Ingenieur in dat Konstruktschoonsbüro OKB-1 vun Sergei Koroljow arbeit. Af 1966 wurr he to'n Kosmonauten utbildt.

Ruumflüüg[ännern | Bornkood ännern]

He weer all 1969 mit de Mission Sojus 7 in' Weltall. De anner Besattensliddmaaten wiels den Floog van' 12. Oktober bit 17. Oktober 1969 weern Anatoli Wassiljewitsch Filiptschenko un Wiktor Wassiljewitsch Gorbatko. Plaant weer bi disse Mission en Floog vun dree Ruumschippen to glieker Tiet, de den ok Ankoppeln sullen, wat aber nich klappt hett.

Mit Sojus 11 floog he denn as Forschensingenieur to de Ruumstatschoon Saljut 1 (1971). He hull sück dormit all tosommen 702 Stünn in't All up. Wolkow keem kört nah den Wedderinträe vun Sojus 11 in de Eerdatmosphäärto Dood, as en Dekompression vun de Kabien uptreeden dee. Gemeensam mit hüm keemen ok de Kommandant Georgi Dobrowolski un sien Bordingenieur Wiktor Pazajew um, wiel se all dree, as dat dor noch begäng weer, kien Ruumantoog dragen deen.

Dat Sojus-Ruumschipp wurr nah dit Unglück nee konzipeert, um de Sekerheit vun de Kosmonauten to verbetern. Wiels de kritisch Floogphasen (Start, Kopplungsmanöver un Lannen) droogen de Ruumfohrer nu schuulen Sokol-Ruumantüüg. De Urnen vun de dree Kosmonauten vun Sojus 11 wurrn an de Kremlmüer in Moskau bisett.

Wolkow weer verheiraadt un harr een Kind.

Weblenken[ännern | Bornkood ännern]

  • [1] Körtbiographie up spacefacts.de