Wladimir Wladimirowitsch Wasjutin

Vun Wikipedia
Zur Navigation springen Zur Suche springen

Wladimir Wladimirowitsch Wasjutin (russisch: Владимир Владимирович Васютин, wetenschaplich Transliteratschoon Vladimir Vladimirovič Vasjutin; * 8. März 1952 in Charkow, Ukrainische SSR; † 19. Juli 2002) weer en Pilot un ehmalger sowjeetsch Kosmonaut vun ukrainsch Natschonalität.

Leven[ännern | Bornkood ännern]

Wladimir Wasjutin hett de Luftwappenhoochschool in Tschugujew besöcht, de he 1973 spoodriek afslooten hett. Nahdem de Pilot mit Fallschermspringerutbillen 1976 as Kosmonaut utwählt wurr, fung he an’ 23. August 1976 de Grundutbillen för Kosmonauten OKP an, de he nah Övernahm dör dat Juri-Gagarin-Kosmonautentrainingszentrum an’ 1. Dezember 1978 denn an’ 30. Januar 1979 afsluuten kunn. Nahdem Wasjutin 1980 Afsolvent vun de Militärakademie vun de Luftstrietkkräfte „J. A. Gagarin“ in Monino wurr, is de Pilot Pilot 1985 as Kommandant vun de veerte Stammbesatten vun Saljut 7 mit dat Ruumschipp Sojus T-14 in den Weltruum flagen. Mit an Bord weer de Bordingenieur Georgi Michailowitsch Gretschko un de Forschungskosmonaut Alexander Alexandrowitsch Wolkow. Gretschko is denn tosommen mit Wladimir Alexandrowitsch Dschanibekow nah en körten Övergangstiet weer to de Eer torüchflagen, wiels Wolkow, Wasjutin un Wiktor Petrowitsch Sawinych an Bord vun de Ruumstatschoon bleeven. An Bord vun de Ruumstatschoon wurrn ünner anner militärische Experimente in dat TKS-Ruumschipp dörführt. Aber de Gesundheitstostand vun Wasjutin wurr wiels den Upenholt an Bord vun Saljut 7 immer schlechter, so dat man beslooten hett, de Mission nah 62 Daag aftobreeken und de dree Kosmonauten weer to de Eer to schicken. Offiziell hett dat heeten, dat Wasjutin wat mit den Blindarm harr, wohrschienlich aber weer psychische Probleme de Oorsaak. An’ 25. Februar 1986 is Wasjutin ut medizinischen Grünnen ut dat Kosmonautencorps utscheeden.

Wasjutin wurr Dozent un stellvertreden Direkter vun en Afdeelen an de Militärakademie vun de Luftstrietkräfte „J. A. Gagarin“ in Monino. 1990 reck de Pilot den Titel vun en Kandidaten vun de Militärwetenschapen, sien akademische Utbillen an de Generalstaffsakademie hett he 1995 afslooten.

Wladimir Wasjutin is an’ 19. Juli 2002 an de Folgen vun en Krebserkrankung storven. He weer verheiraadt un harr twee Kinner.

Literatur[ännern | Bornkood ännern]

  • Peter Stache: Raumfahrer von A bis Z. Militärverlag der Deutschen Demokratischen Republik, Berlin [Ost] 1988, ISBN 3-327-00527-3.

Weblenken[ännern | Bornkood ännern]