Winrich Kolbe
Winrich „Rick“ Ernst Rudolf Kolbe (* 9. August 1940 in Düütschland; † September 2012[1]) weer en US-amerikaanschen Speelbaas un Produzent vun düütsche Afstammen.
Leven un Wark[ännern | Bornkood ännern]
Kolbe is in Düütschland boren un hett 1968 de US-amerikaansche Staatsbörgerschop annahmen. Sien Loopbahn as Speelbaas un Produzent güng in de 1970er Johren bi Universal Pictures los.[1]
Bekannt is Kolbe vör allen för sien Arbeiten an verschedene Feernsehregen ut dat Star-Trek-Universum, för de he üm un bi föfftig Folgen afdreiht hett. Butendem hett he ok bi annere bekannte Feernsehregen Regie föhrt, as to’n Bispeel Magnum, Knight Rider, In the Heat of the Night oder 24. 2002 weer he as Speelbaas för de düütsche Filmprodukschoon Ice Planet anstellt.
Vun Oktober 2005 an hett Kolbe an’t Savannah College of Art and Design in Georgia Ünnerricht geven. Ut Grünnen vun de Gesundheit hett he sien Engagement 2007 wedder opgeven.[1]
Filmografie (Utwahl)[ännern | Bornkood ännern]
| Johr | Titel | Funkschoon |
|---|---|---|
| 1974-75 | McCloud, Feernsehreeg dt.: Ein Sheriff in New York |
Produzent |
| 1976-77 | Quincy, Feernsehreeg | Produzent |
| 1977-78 | The Hardy Boys/Nancy Drew Mysteries, Feernsehfolgen | Produzent, Speelbaas |
| 1981 | Magnum, Feernsehfolgen | Speelbaas |
| 1982 | Voyager from the Unknown | Speelbaas |
| 1984-85 | T.J. Hooker, Feernsehfolgen | Speelbaas |
| 1983-86 | Knight Rider, Feernsehreeg | Speelbaas |
| 1987-88 | Spenser: For Hire, Feernsehnreeg dt.: Spenser |
Speelbaas |
| 1989-91 | Hunter, Feernsehfolgen dt.: Gnadenlose Jagd |
Speelbaas |
| 1988-94 | Star Trek: The Next Generation, Feernsehnreeg dt.: Raumschiff Enterprise - Das nächste Jahrhundert |
Speelbaas |
| 1988-95 | In the Heat of the Night, Feernsehnreeg dt.: In der Hitze der Nacht |
Speelbaas |
| 1999 | The Darwin Conspiracy, Feernsehn dt.: Das Darwin-Projekt |
Speelbaas |
| 1993-99 | Star Trek: Deep Space Nine, Feernsehreeg | Speelbaas |
| 1995-2000 | Star Trek: Voyager, Feernsehreeg dt.: Star Trek - Raumschiff Voyager |
Speelbaas |
| 2001 | 24, Feernsehfolgen | Speelbaas |
| 2003 | Hunter, Feernsehreeg | Speelbaas |
| 2003 | Ice Planet | Speelbaas |
Utteken[ännern | Bornkood ännern]
Winrich Kolbe ist 1995 mit den Hugo Award in de Kategorie Best dramaatsch Präsenteren uttekent worrn för sien Arbeit in de Feernsehreeg Star Trek: The Next Generation.
Weblenken[ännern | Bornkood ännern]
- Winrich Kolbe in de Internet Movie Database (engelsch)
- Winrich Kolbe in’t Star-Trek-Wiki Memory Alpha
Borns[ännern | Bornkood ännern]
- ↑ a b c Obituary: Winrich Kolbe (1940-2012) bei classictvhistory.wordpress.com, afropen an’n 26. Oktober 2012