Willy Beutz

Vun Wikipedia
Zur Navigation springen Zur Suche springen

Willy Beutz (* 4. März 1912 in Rüstringen; † 11. Mai 1986 in Willemshaven) weer en düütschen Koopmann un Mäzen.

Leven[ännern | Bornkood ännern]

Beutz wurr na sien Bahntje bi en Bank un denn as Marine-Oberreknungsföhrer (1936-1945) an'n 1. Oktober 1945 toeerst Deelhaber un denn van'n 1. Februar 1946 an de allenig Baas van den Friesen-Presse-Vertrieb. He harr op 1957 den Friesen-Verlag neegrünnt.

As Vörsitter van de „Unabhängigen Wählergemeinschaft“ weer he van 1960 bit 1972 Maat in'n Ratskring van de Stadt Willemshaven.

Van 1945 bit 1982 weer he Baas van de Nedderdüütsch Bühn „Rüstringen“, dat vandagig Theater an't Meer heet. Bit 1980 weer he Präsident van de Landsgruppe Neddersassen-Bremen van'n Nedderdüütsch Bühnbund.

Van 1972 an höörte he to den Beirat van't Institut för Nedderdüütsche Spraak in Bremen jüstso an as de Bevensen-Stiftung. Van 1982 an weer he Vörsitter van'n Kuratorium van'n Richard-Ohnsorg-Pries.

He kreeg 1972 dat Verdeenstkrüüz 1. Klass van'n Neddersassschen Verdeenstorden, 1978 de Golden Anton-Günther-Gedenkmedaille van de Ollnborgsche Landschup, 1982 de Ehrennadel in Gold un Brillanten van'n Nedderdüütschen Bühnbund Neddersassen-Bremen un de Goldene Gedenkmünze van'n Nedderdüütschen Bühnbund Sleswig-Holsteen.

Willy-Beutz-Schauspeelpries[ännern | Bornkood ännern]

Beutz stift 1975 den Willy-Beutz-Pries to'n Föddern van't Nedderdüütsche Schauspeel. Dat is en Wanderpries tohopen mit en Geldbedragg. De eerste Priesdräger weer 1977 de Nedderdüütsch Bühn Cuxhaven. De Översicht över den Preis steiht ünner Willy-Beutz-Schauspeelpries.

He warrt all twee Jahren vergeven an Schauspeele un Dramen, de van Matenbühn van´n Nedderdüütsch Bühnbund Neddersassen-Bremen speelt worrn sünd. En Jury, de ut Lüüd besteiht, de van't Theater wat verstaht, sett den 1. Pries fast. Siet 2010 warrt de 1. bit 3. Pries vergeven. De Städen warrt mit 3.000, 2.000 un 1.000 Euro honoreert.

Weblenken[ännern | Bornkood ännern]