William Daniel Phillips
William Daniel Phillips (* 5. November 1948 in Wilkes-Barre, Pennsylvania)[1] is en US-amerikaanisch Physiker. För dat Köhlen un Infangen vun Atomen mit Laserlucht (Laserköhlen) kreeg he 1997 gemeensam mit Steven Chu un Claude Cohen-Tannoudji den Nobelpries för Physik.
Leven un Wark[ännern | Bornkood ännern]
Phillips hett vun sien Vader’s Siet walisisch un vun sien Moders Siet italieensch Oorsprünge. He gung in Camp Hill bei Harrisburg to de School un hett af 1966 mit en Staatsstipendium vun Pennsylvania an dat Juniata College in Huntingdon (Bachelor-Afsluss in Physik 1970 summa cum laude) un an dat Massachusetts Institute of Technology (MIT) in Cambridge studeert, wo he 1976 bi Daniel Kleppner sien Doktertitel maakt hett. Thema vun de tweedeelig Dissertatschoon weern dat magnetische Moment vun dat Proton in Wassermolekül un inelastische Streen vun anreegt Natrium. As Post-Doktorand weer he 1976 bit 1978 Chaim Weizmann Fellow an dat MIT. Af 1978 weer he an dat National Institute of Standards and Technology (NIST) in Gaithersburg in Maryland. Dor entwickel he de Laserköhlensmethoden, för de he den Nobelpries bekam. 1996 wurr he Fellow vun dat NIST. Siet 1992 is he Distinguished Professor för Physik an de University of Maryland in College Park.
He is en vun de Pioniere vun de Laserköhlen mit Steven Chu un Claude Tannoudji. Speziell entwickel he de Methood vun den Zeeman-Slower ünner Utnutzen vun den Zeeman-Effekt (1982 mit Harold Metcalf)[2] vun neutralen Atomen in Atomstrahlen, hüüd to’n Bispeel in’t Vörfeld vun magneto-optischer Fallen bruukt, in de de Atome denn infangen wurrn. Gebruukt wurrd disse Methood bi de Entwicklung vun präzis Atomclocken, de ünner annern bi exakten Positschonsbestimmungen un in de Weltraumnavigatschoon insett wurrn.
He is Fellow vun de National Academy of Sciences (1997), de American Academy of Arts and Sciences (1995), de Optical Society of America un de American Physical Society. 1996 kreeg he de Michelson-Medaille vun dat Franklin Institute un 1983 de Sülvermedaille un 1993 de Goldmedaille vun dat US-Handelsministerium. 1970 weer he Woodrow Wilson Fellow. 1987 kreeg he den Samuel Wesley Stratton Award vun dat NIST un 1998 den Arthur-L.-Schawlow-Pries för Laserphysik.
He is siet 1970 mit Jane van Wynen verheiraadt un hett twee Döchter. As Methodist is he ok in den Dialog vun Religion un Wetenschap engageert. Phillips is Liddmaat vun de Päpstliche Akademie vun de Wetenschapen.
Weblinks[ännern | Bornkood ännern]
William Daniel Phillips. Mehr Biller, Videos oder Audiodateien to’t Thema gifft dat bi Wikimedia Commons.