William Cecil Campbell

William Cecil Campbell (* 28. Juni 1930 in Ramelton) is en irisch Biochemiker un Parasitoloog. 2015 wurr hüm gemeensam mit Satoshi Ōmura un Tu Youyou de Nobelpries för Physiologie oder Medizin tospraken.He un Ōmura hemm den Arzneistoff Avermectin opdeckt, de bi de Behanneln vun parasitären Infektschonen (insbesünnere gegen Fadenwürms) insett wurrd.

Werdegang

William C. Campbell wurr as darte Söhn vun R. J. Campbell boren, en Ladenbesitter ut Ramelton. He studeer an dat Trinity College vun de University of Dublin, an dat he 1952 sien Bachelor kreeg. In de Folge begeev he sück, utstatt mit en Fulbright-Stipendium, in de USA, wo he an de University of Wisconsin–Madison 1954 sien Master maaken dee un 1957 mit en Arbeit över den Suugwürm Fascioloides magna sien Doktertitel (Ph.D.) kreeg. Dornah weer he över dartig Johr (bit 1990) an dat Merck Institute for Therapeutic Research tätig, in de he ünner annern an de Entwicklung vun Avermectin maatgevend bedeeligt weer. 2002 wurr he to’n Liddmaat vun de National Academy of Sciences vun de Vereenigten Staaten wählt.

Totiet /2015) lehrt un forscht Campbell as emeriteert Perfesser an de Drew University in Madison, New Jersey.

Weblenken

• Nobelpriset i fysiologi eller medicin år 2015
• William C Campbell, Satoshi Ōmura and Youyou Tu win Nobel prize in medicine