William Cavendish, 4. Duke of Devonshire

Vun Wikipedia
Zur Navigation springen Zur Suche springen
William Cavendish, 4. Duke of Devonshire

William Cavendish, 4. Duke of Devonshire (* 8. Mai 1720; † 2. Oktober 1764 in Spa) weer en britisch Staatsmann vun de Whig-Partei, de sluutend nominell Premierminister wurr.

William Cavendish weer en Söhn vun William Cavendish, 3. Duke of Devonshire, un de sien Gemahlin Catherine Hoskins.

He wurr 1741 un 1747 för Derbyshire in dat House of Commons wählt. 1751 wurr hüm nah en besünnern königlichen Besluss (Writ of acceleration) de Titel vun en Baron Cavendish of Hardwick, en nahordnet Titel vun sien Vader, överdragen. Dordör truck in da House of Lords in. Van' 2. April 1755 bit to'n 3. Januar 1757 weer Cavendish Lord Lieutenant of Ireland. Nahdem he 1755 de Adelstitel vun sien Vader (besünners dat Hartogdom vun Devonshire) arvt harr, wurr he Ridder vun den Hosenbandorden un in' November 1756 to'n Schatzkanzler nömmt. Disse Funktschoon harr he bit to'n Mai 1757 in en Regeeren inne, de de facto vun William Pitt den Ölleren führt wurr. De meest Historiker seecht Cavendish in dissen Tietruum as Premierminister.

De Duke hett den Landschapsgörner Capability Brown engageert, den Gorden un den Park vun Chatsworth House, sien Hööftwahnsitt, to gestalten.

He weer mit Lady Charlotte Boyle (1731–1754) verheiraadt, Dochter un Arv vun Richard Boyle, 3. Earl of Burlington. Se weer en bekannt Architektin un Kunstsammlerin. Dör hör hemm de Devonshires Chiswick House un Burlington House in London, Bolton Abbey un Londesborough Hall in Yorkshire un Lismore Castle in de Grafschap Waterford in Irland arvt.

Ut de Ehe stammen folgen Kinner:

Weblenken[ännern | Bornkood ännern]