Willem Gerardus Anderiesen
Willem Gerardus Anderiesen (* 17. November 1903 in Amsterdam; † 18. Juli 1944), beter bekannt as Wim Anderiesen Sr., weer en nedderlannsch Football-speler. He wurr in’t Middelfeld insett.
Leven
[ännern | Bornkood ännern]Van 1925 bit 1940 speel he, deelwies tosommen mit sien Halfbröer Henk Anderiesen, för Ajax Amsterdam. He wunn in de 1930er Johren veermal de nedderlannsch Meesterschap in de Eredivisie.
För de nedderlannsch Football-Natschonalmannschap hett Anderiesen 46 Mal speelt, wat en Rekord bi Ajax-Spelern weer, bit Ruud Krol 1979 disse Tall överdrapen dee. He stunn ok bi de beide erst Weltmeesterschapsspelen vun de Nedderlannen up den Platz, 1934 gegen de Mannschap ut de Swiez un 1938 gegen de Mannschap vun de Tschechoslowakei. Beid Partien wurrn aber verloren.
Nah sien Karriere hett he as Portier bi De Nederlandsche Bank arbeit. He is all 1944 an en Lungenentzündung storven.
Sien Söhn, de ebenfalls Wim Anderiesen heeten dee, speel in de 1950er Johren för Ajax.