Wilhelm Hogrefe

Vun Wikipedia
Zur Navigation springen Zur Suche springen
Wilhelm Hogrefe in’n November 2009

Wilhelm Hogrefe (* 15. April 1949 in Lutten) is en düütschen Politiker von de CDU.

Hogrefe is 1949 in Luttum boren. He hett en Lehr in de Bueree maakt un denn Landbo an de Inschenörakademie in Celle studeert. Na disse Tied hett he noch Biologie un Chemie an de Universität Bruunswiek studeert. 1994 hett he as Buur anfungen. He is verheiraadt un hett twee Döchter.

1970 weer he de eerste Vörsitter von de Junge Union in’n Kreisverband Veern. 1972 is he as Afornten in’n Kreisdag von’n Landkreis Veern wählt worrn. Dor is he Vörsitter von de CDU-Frakschoon. Von 1988 bet Enn 2008 weer Hogrefe Vörsitter von’n CDU-Kreisverband Veern. He is Maat von’n Bezirksvörstand von de CDU in’n Elv-Werser-Ruum. Von 1994 bet 2013 (13. bet 16. Wahlperiood) weer he Maat von’n Landdag von Neddersassen. In de 13. un 14. Wahlperiood is he över de Landslist in’n Landdag intagen un in de 15. un 16. Wahlperiood för den Wahlkreis Veern. Bi de Wahl 2003 hett he dor 54,2 % von de Stimmen kregen un 2008 44,0 %. Toletzt weer he Spreker von siene Frakschoon in’n Utschuss för Bunds- un Europaangelegenheiten un Medien. Bi de Wahl 2013 is he nich wedder antreden.[1]

Footnoten[ännern | Bornkood ännern]

  1. Klaus Wallbaum: In Ritualen erstickt. Viele Abgeordnete in Niedersachsen sind ernüchtert von der Arbeit im Parlament – und kehren der Landespolitik den Rücken. In: Hannoversche Allgemeine Zeitung. Nr. 219, Verlagsgesellschaft Madsack, Hannover 18. September 2012, Sied 3

Weblenken[ännern | Bornkood ännern]

Commons-logo.svg Wilhelm Hogrefe. Mehr Biller, Videos oder Audiodateien to’t Thema gifft dat bi Wikimedia Commons.