Wikipedia Diskuschoon:Wikiprojekt Öörd/Kreis Minnen-Lübke

Dat is ja ok woller nich so ganz konsequent. Up de eene Siet heet dat Kreis Minnen-Lübke, up de annere Siet is de Naam vun de Kreisstadt mit Minn'n angeven, un denn hefft wi as Lemma ok noch Minden. Wat wüllt wi denn nu nehmen?--Bolingbroke 13:31, 29. Aug. 2008 (CEST)

Naja, Minden is vun Sarcelles, de toeerst jümmer de Artikels ünner de hoochdüütschen Naams anleggt harr. Utspraken warrt dat op Platt ahn d, schuven schöölt wi also man. Wat dat nu Minn, Minn’, Minn’n oder Minnen schreven warrt, dat is allens dat sülve, warrt allens jüst gliek utspraken. Dat Woord hett ene Sülv, aver dat n klingt temlich lang. Jüst as bi'n Plural vun Hand, dor kannst ok all Schrievwiesen finnen, Hann, Hann’n, Hann’, Hannen. --::Slomox:: >< 13:58, 29. Aug. 2008 (CEST)

Minn dücht mi nich so klook, denn dat warrt ja anners utspraken as Tinn to'n Bispeel. Na Sass is dat beste Minnen, aver dat hett den Nadeel, dat een nich sehn kann, dat dat keen twee Sülven sünd. Bi Minn’ kunn een denken, dat dor en -e wegfullen is, un nich en -en, also is Minn’n villicht dat beste, de Utspraak to wiesen. --::Slomox:: >< 14:04, 29. Aug. 2008 (CEST)

Ünnerscheed'

'Keen weer dat man noch, de disse List anfungen hett? In de Versionshistorie steiht blot en IP, aver ik meen, dat weer een, de ans en Brukernaam hett (nüms, de hier veel maakt hett, aver op de:, nehm ik an). Ik heff nu de Öörd ut dat Archiv vun dat Westfäälsche Wöörbook mit rinschreven un dor weren welk bi, de temlich dull afwieken deen. Schnathuorst/Schnorz, Ahlswäide/Aulse, Doutnhusen/Tornhusen, Äisbiergen/Asbaren, Oldenduorp/Aulendöppe to'n Bispeel. Bi de annern Listen heff ik ok faken Ünnerscheed' hatt, aver nich so krasse. Ik glööv, dat de, de de List anfungen hett, de Naams so opschreven hett, as se bi em in'n Oort bruukt warrt. Dat dat also Exonyme sünd. Ans kann ik mi nich verkloren, wie sone Ünnerscheed' angahn köönt. Ik dee nu geern weten, woneem de Bruker vun afkummt. Exonyme sünd ja nich verkehrt un dat is nix Slimms, aver dat is ja man doch good, wenn wi dat weten doot, dat wi de Naams beter inordnen köönt. --::Slomox:: >< 19:06, 29. Sep. 2008 (CEST)