Wikipedia Diskuschoon:Pressberichten

Ik will glieks en Text rinstellen, den wi as Pressbericht to'n 5000. Artikel rutgeven köönt. Ik harr mi dacht, dat wi dat eerstmal över den Pressverdeler vun de hoochdüütsche Wikipedia maakt. Denn noch de wichtigen plattdüütschen Narichtensaken: Plattnet, INS. Ik will Arne Klempert ok glieks bidden, dat he mi en Kopie vun de Verdelerlist gifft, dat wi en egen Pressverdeler opmaken köönt. --::Slomox:: >< 01:37, 3. Mär 2007 (CET)[anter]

Höört sik goot an. De Artikel ok, butendem. --Iwoelbern 08:47, 3. Mär 2007 (CET)[anter]

Ja, dat maak man so. Groleer ok schöön to dien 5.000 Artikel! Denn schafft wi düt Johr bestimmt noch de 10.000...---Bolingbroke 13:15, 3. Mär 2007 (CET)[anter]

'Keen meenst du, wenn du dien 5.000 Artikel schriffst? Is doch allens en grote gemeenschaftliche Arbeit, an de bestimmt so 100 Lüüd (groff överslagen) Andeel hebbt ;-)

Ik graleer di un all de annern natürlich ok to joon Arbeit, de hier binnen stickt! (schall'n ja normalerwies nich al vörher doon, aver nu kann ja meist nix mehr dortwischenkamen ;-) --::Slomox:: >< 13:24, 3. Mär 2007 (CET)[anter]

Ik heff dat nu an an de plattdüütschen Medien un an en Reeg regionale Daagbläder ut de noorddüütschen Ünnerkategorien vun de:Kategorie:Zeitung afschickt. Ik glööv nich, dat dor nu en groot Press-Berichterstattung kummt, aver wenn ok blots een Blatt wat schrifft, hebbt wi ja wat wunnen, nich. --::Slomox:: >< 20:46, 3. Mär 2007 (CET)[anter]

ik laat mi överraschen... Dat mit de IP weer Afsicht, wa? ;-) --Iwoelbern 20:50, 3. Mär 2007 (CET)[anter]

Hett en beten duurt, aver op Plattnet is dat nu ok kamen. to'n Nalesen

Schöölt wi nu ok en Pressespegel anleggen? ;-) --::Slomox:: >< 03:20, 11. Mär 2007 (CET)[anter]

Un wenn op de hoochdüütsche Wikipedia wat in de Press weer, denn geev dat jümmer Diskuschoon dor över, wat de Press allens verkehrt dorstellt harr. Maak ik nu ok: Plattnet schrifft: So bewerben die Initiatoren das Projekt. In Würklichkeit is gor keen vun de Initiatoren vun Wikipedia op Platt mehr aktiv. Plattmaster hett dat Projekt ja anstött un de is hier al lang weg. Weer al weg, as ik keem. --::Slomox:: >< 03:26, 11. Mär 2007 (CET)[anter]