Wikipedia:Administraters

Vun Wikipedia

En Administrater is en Bruker, de in en Afstimmen as vertroenswöördig noog ansehn worrn is, en poor administrative Opgaven to övernehmen, de nich för jeden Bruker togänglich sünd, wieldat se missbruukt warrn köönt. Opstunns gifft dat 4 Administraters: Kumplette List.

Frische Administraters warrt bi de Adminkandidaturen wählt.

De Opgaven, de blots en Administrater utföhren kann, sünd:

  • Sieden wegsmieten,
  • Sieden sperren,
  • Brukers sperren,
  • gau trüchsetten vun Ännern an de Sieden.


  • Sieden wegsmieten schall en Administrater blot, wenn de Siet op Wikipedia:Wegsmieten indragen wesen is un dor rutkeem, dat se weg schall, oder na de Regeln op Wikipedia:Gauweg.
  • Sieden sperren schall en Administrater blot, wenn de Sieden jümmer wedder dör Brukers so ännert warrt, dat se dor slechter bi warrt. De Sperr schall so lang lopen bet keen groot Gefohr mehr is, dat noch wedder dat sülve passeert.
  • Brukers sperren schall en Administrater blot, wenn de Bruker nee is un blot Schiet maakt, oder wenn al sien Naam so wählt is, dat he Arger maken will, oder wenn he längere Tiet jümmer blot stöört un de annern Brukers sik enig sünd, dat se ahn em beter arbeiden köönt.


Wichtig bi all dat is, dat de Adminstrater ok jümmer bischrifft wat he deit, so dat annere sien Grünn navulltehn köönt.

Wat en Admin to beachten hett[Bornkood ännern]

Admins hebbt extra Knööv. Dat meent, dat se extra oppassen mööt, wat se doot. Aver dat heet nich, dat se wat Beters sünd. En Admin hett ok nich mehr to seggen as annere Brukers. Maak dor keen Staat vun, dat du Admin büst. Autorität kümmt nich vun den Titel, sünnern vun dat, wat un woans du wat deist. Admins schöölt man Bispeel sien för annere Brukers. Dat heet: Wenn du een Admin büst, denn wees besünners fründlich un holl di ut Stried rut.

Vertrulich[Bornkood ännern]

Wenn di wat Vertrulichs över den Weg löppt, denn wees dor vörsichtig mit.

Pass besünners op dien Passwoord op. Nimm keen Passwoord, wat licht ruttoklambüstern is, so as dien Naam, dien User-ID oder Wöör as „geheem“. Vergeet ok nich, dat du di utloggst. Besünners, wenn du an een Computer büst, wo noch anner Lüüd ranköönt, so as op de Universität, de School, de Arbeed oder dat Internet-Cafe.