WattBZ
Dat UNESCO-Weltnaturarv Wattensee-Besökerzentrum (WattBZ) an’n Strand in Sahlenborg (Nordheimstraat 200) is en Besökerzentrum, dat Informatschonen to de Wattensee un de Küst büddt, de as UNESCO-Weltnaturarv un in veer Natschonalparks schuult sünd.
Historie[ännern | Bornkood ännern]
De Inrichtung is 1989 as Natschonalpark-Zentrum Cuxhoben (NPZ) grünnt worrn un weer toeerst in dat Sahlenbörger Strandhooghuus ünnerbröcht. 2011 is ut dat NPZ denn dat WattBZ worrn. Von Oktober 2014 bet Juli 2015 is dat hüdige ne’e Gebüüd mit 450 m² Utstellungsfläch un 1200 m² Grundfläch op dree Etaaschen boot worrn, dat denn in’n Oktober 2015 offiziell apenmaakt hett. Dat Gebüüd hett rund dree Milljonen Euro köst un is von’n Architekt Philip Norman Peterson von Holzer Kobler Architekturen utwickelt worrn.
In’n August 2017 harr dat WattBZ sien tweemilljoonsten Besöker.
Weblenken[ännern | Bornkood ännern]
- Infos to dat WattBZ op cuxhaven.de (hoochdüütsch)
Koordinaten:53° 52′ N, 8° 36′ O