Wapenstillstand

En Wapenstillstand is dat, wenn in en Krieg för en Tietlang de Wapen swiegen doot, vunwegen dat de Fienden dat so afmaakt hefft. Meist is dat de eerste Schritt na’n Freden hen.

Anners as en Wapenroh, wo dat bloß dor üm geiht, dat vunwegen en besunnern Grund för korte Tiet nich wietermaakt warrt mit den Krieg (t.B. vunwegen dat Insammeln vun de Verwunnten), duert en Wapenstillstand wat länger. Faken is dor ok bi afmaakt, wat vun Regels nu gellen schöllt un wat de Grenz twuschen de Fienden is.

En Wapenstillstand warrt afmaakt twuschen de Parteien in en Krieg un bedutt, dat vun nu af an nich mehr angrepen weern draff (Verdrag över den Wapenstillstand). In de Haager Ornen vun den Landkrieg vun 1907 warrt akraat angeven, wat de Wapenstillstand na de rechtliche Siet hen bedüden deit.

Mit en Fredensverdrag kann de Wapenstillstand nich vergleken weern. So en Verdrag kann na den Wapenstillstand för Maanden oder ok Johren uthannelt weern. Solang, bit en Fredensverdrag afslaten is, gellt fudderhen de Tostand vun Krieg.

Wat in den Islam to’n Wapenstillstand seggt warrt, kiek bi Hudna. De Islam will dor nix vun weten, dat mit en Nichmuslim Freden slaten weern kann, man en Wapenstillstand is möglich. Man düsse Wapenstillstand kann jummers noch mol verlängert weern, wenn dat nödig is. Düsse Ansicht is in den Nahen Oosten wichtig, vunwegen den Freden vun de araabschen Staten mit Israel.^[1]

Beröhmte Wapenstillstänn un Verdrääg över den Wapenstillstand

Borns

↑ Universität Tübingen: Arbeitstitel: Jihad, Waffenstillstand oder Frieden mit Israel?

[1] Universität Tübingen: Arbeitstitel: Jihad, Waffenstillstand oder Frieden mit Israel?

[1]