Wapen vun Kamerun

Vun Wikipedia
Wesseln na: Navigatschoon, Söök
Dat Wapen vun Kamerun

Dat hüütige Wapen vun Kamerun stammt ut dat Johr 1986.

Utsehn[ännern | Bornkood ännern]

Dat Wapen vun Kamerun besteiht ut en Schild mit elk en Banner doröver un dorünner. Achter dat Schild, wat in de glieken Klören hollen is, as de Flagg vun Kamerun, sünd twee krüüzte Fasces to sehn, de för de Staatsmacht staht.

In’n Middeldeel op de roden Flach, wiest dat Schild en blaue Ümreetkoort vun Kamerun. Doröver is de Waag un dat swert vun de Iustitia afbillt.

Över’n Schild steiht in de beiden Amtsspraken Engelsch un Franzöösch dat Motto vun Kamerun schreven:

„Paix, Travail, Patrie“
„Peace, Work, Fatherland“
(Freden, Arbeit, Vadderland)

Op dat Banner ünner den Schild steiht de Naam vun’n Staat, ok wedder in Engelsch un Franzöösch:

„Republic of Cameroon“
„République du Cameroun“
(Republiek Kamerun)

Bedüden[ännern | Bornkood ännern]

Dat rode Dreeeck steiht för den Kamerunbarg, wat mit 4.095 m de hööchste Barg in Westafrika is. Dat Dreeeck is butendem belegt mit dat Swert un de Waagschalen vun de Iustitia, de röömsche Göddin vun de Gerechtigkeit.

Ok dat Rutenbünnel mit Biel (Liktorenbünnel) is en Teken för’t röömsche Öllerdom un steiht för de Staatsform Republiek.

Historie[ännern | Bornkood ännern]

Dat düütsche Kolonialamt hett för dat Schuulrebeet Kamerun en Wapen utklamüstert hatt, dat ünner den kaiserlichen Adler noch den Kopp vun’n en Elefanten vun vörn wiesen de. Dat Wapen is op de Flagg vun’t Düütsche Riek opleggt worrn.

As Kamerun unafhangig worrn is, hett dat Land toeerst blots en Siegel föhrt. En Staatswapen geev dat eerst af den 31. Dezember 1960. Dat Siegel wies in’n böveren Deel vun’n grönen un gelen Striepen elk en blauen Steern.

In’t Johr 1975 is de Flagg ännert worrn un de Steern in’t gröne Feld is wegfallen. Siet 1986 steiht de nu in’n Striepen in de Mitt.

Literatur[ännern | Bornkood ännern]

  • Karl-Heinz Hesmer: Flaggen und Wappen der Welt. Geschichte und Symbolik der Flaggen und Wappen aller Staaten. Gütersloh: Bertelsmann Lexikon Verlag, 1992. ISBN 3-570-01082-1

Weblenken[ännern | Bornkood ännern]