Wangermeer
| Wangermeer | |
|---|---|
| Typ | Baggersee |
| Land/Länner | Neddersassen |
| Öörd bi’t Meer | Hokarken |
| Geograafsche Laag | Koordinaten:50° 51′ N, 10° 42′ O50° 51′ N, 10° 42′ O |
| Hööchd | 2 m över NN |
| Fläch | 0,65 km² |
| Maximal Deepd | 3 m |
| Eilannen in’t Meer | 2 |
 | |
Dat Wangermeer is en 65 Hektar groot Meer bi Hokarken in’t Wangerland.
2003 hett de Wangerlandkasern dicht maakt. Dat weer en wichtigen Weertschopsfaktor för Hokarken. Dat uttoglieken, hebbt se beslaten, de Gelänn för’n Tourismus to bruken. Un för’n Diekbo in Elisabethgroden hebbt se Klei bruukt. Dor hebbt se 2003 op dat Gelänn vun de Kasern en Lock graavt un keken, wat de Ünnergrund de Entnahm vun’n Klei verdregen kann. Disse Tests sünd good verlopen. Vun dat Johr 2004 af an hebbt se Klei afboot. Dat Lock schall vun 2008 af an as Freetiedsee bruukt warrn, mit en lütt Haven för Segelbööd. De See schall denn bet dree Meter deep wesen. De lütte Oortsdeel Helmstede schall denn blot noch över de Helmsteder Straat/Rotehaus mit dat faste Land verbunnen wesen. De Helmsteder Straat geiht as Brügg över dat Meer. Op en runne Insel mit en Dörmeter vun 400 Meter (15 Hektar) in dat Meer schall en Hotelanlaag, en Inkoopstraat un Wahnhüüs boot warrn. Ok in Helmstede hebbt se en nee Bogebiet utwiest. Dat Meer schall to’n Sluss so bi 120 Hektar groot warrn. En twete Insel schall dat an de Oostkant vun’t Meer geven. Op dat ole Kasernengelänn hett de nedderlandsche Ünnernehmer Hennie van der Most en Kinnerspeelstadt, en Hotel mit 600 Bedden, Restaurants mit 660 Plätz, en Swemmbad, en Bowling-Center un en Veranstaltungshuus.
Weblenken
[ännern | Bornkood ännern]
- Websteed vun de Speelstadt (hoochdüütsch)
- Konzept to de Insel vun IPK Ingenieur- und Planungskontor (hoochdüütsch)
- Websteed mit Biller vun 2004 bet 2008 (hoochdüütsch)