Walter Rodekamp

Vun Wikipedia
Zur Navigation springen Zur Suche springen

Walter Rodekamp (* 13. Januar 1941 in Hagen; † 10. Mai 1998 in Hagen) weer en düütsch Footballspeler. He weer Störmer.

Leven un Karriere[ännern | Bornkood ännern]

Rodekamp speel nah sien Wessel vun FC Schalke 04 van 1963 bit 1968 för Hannover 96. In dat eerst Johr in de Regionalliga Nord, de dormals tweethööchste Speelklass, hett he 20 Doren in 22 Spelen schaaten un weer dormit en herutragen Speler vun de Upstiegsmannschap. He hett an' 22. August 1964 (1. Spieltag) bi den 2:0-Sieg in dat Utwärtsspeel gegen Borussia Dortmund de eerst beid Bundsligadoren för den Vereen schaaten.[1] In de folgen Saison (1964-65) gelung den Hannoveranern as Upstieger de Sprung up den 5. Platz in de Bundsliga-Afsluss-Tabell, woran Rodekamp as Stammspeler ok weer sien Andeel harr. As herutragend gull sien Scheetkraft un bekannt wurrn to de Tiet de Fangesänge: "Oh Rodekamp! Oh Rodekamp! Wie schön sind deine Tore!" to de Melodie vun Oh Tannenbaum.

1965 hett he buterdem sien eenzig dree Lännerspelen för de düütsch Natschonalmannschap maakt, wobi he bi sien tweet Lännerspiel ok dat Siegdoor schaaten hett.

He hett dornah noch bi 1968 mit Hannover in de Bundsliga speelt, weer aber denn nich mehr so good. Sien Loopbahn hett he bi RFC Lüttich un Berchem Sport in Antwerpen utklingen laaten.

Van 1974 bit 1983 bedreev Walter Rodekamp dat Vereensheim vun den TuS Kleefeld in Hannover-Kleefeld.

Rodekamp weer swoor alkoholkrank un dorüm blots bedingt arbeitsfähig (u. a. wurr he as Kranfohrer beschäftigt) bevör he 1998 dood bleev. Sien Alkoholsucht weer bekannt un he hett dor ok immer to stahn.

Ehrungen[ännern | Bornkood ännern]

  • 2010: De Platz vör den Hööftingang vun de hüdig HDI-Arena in' Sportpark Hannover wurr Walter-Rodekamp-Platz nömmt.[2]

Weblenken[ännern | Bornkood ännern]

Enkeld Nahwiesen[ännern | Bornkood ännern]

  1. Erster Bundesligatorschütze von Hannover 96
  2. Conrad von Meding: Sechs neue sportliche Namen rund um die Arena, in: Hannoversche Allgemeine Zeitung van' 16. November 2010, S. 17