Walk (Stadt)

Vun Wikipedia
Zur Navigation springen Zur Suche springen

Walk is en Stadt in de historische Landschup Livland in’t Baltikum. Dörch se löppt de Grenz vun Lettland un Eestland. De gröttere Deel vun de Stadt liggt in Eestland un heet Valga, de annere Deel is de lettsch Stadt Valka.

Geschicht[ännern | Bornkood ännern]

Inst weer de Fluss Gauja de Grenz twüschen lettgallsche und finno-ugrische Stämm. Dat eerste bekannte Mol worr Walk 1286 as ’’Pedele’’ nöömt. De juristisch Striedereen vun de Livländsch Konföderatschoon worrn vun 1419 op den jährlichen Landdag in Walk besnackt. Walk weer in de Hanse. Walk kreeg 1584 Stadtrechten. Se höör siet 1627 wegen den Poolsch-Sweedschen Krieg to Sweden. 1721 kehm Walk to’t Russ'sch Riek. 1783 worr se en Kreisstadt in’t Gouvernement Livland. Dat hett en Tonahm vun de Tall vun Letten mit sik brocht. 1901 worr de eerste Eest Börgermeester, wiels de düütschbaltsche Frakschon gegen en Bündnis vun Esten un Letten verloor. 1905 weer Walk en Zentrum vun de Revolutschoon. 1919 nehm de Armee vun Eestland de Stadt in. 1920 worr Walk twüschen Eestland un Lettland deelt. Man dat weer in de Tiet vun de Sowjetunion de facto en Stadt mit Minschen, de ünnerschedliche Spraken snacken döen. Siet de Unafhängigkeit vun de baltischen Länner geev dat wedder en Staatsgrenz twüschen den östlichen un den westlichen Deel vun de Stadt. De Kontrollsteden worrn 2007 mit dat Bitreden to den Schengenruum wedder ophaven.

Bekannte Lüde ut Walk[ännern | Bornkood ännern]