von Haseldörp
De Familie von Haseldörp weer en Eddelfamilie in Holsteen.
De Familie dükert an’n 25. Juli 1143 toeerst in de Oorkunnen op, as Adico in en Oorkunn von’n Bremer Arzbischop Adalbero nöömt warrt. In en Oorkunn von 1200 kummt en Gotzoin von Haseldörp vör.
De Familie hett en Borg in Haseldörp hatt, de aver 1259 wedder dalreten worrn is. In dat 13. Johrhunnert hebbt de von Haseldörp to de Deenstlüüd von de Bremer Arzbischöp höört.
To Anfang von dat 13. Johrhunnert hebbt se bi de Fohrten von Albert vun Buxhoeveden un annere na Lievland mitmaakt. Theodor von Haseldörp is 1236 in Lievland in de Slacht von Schaulen doodbleven.
Freerk II. von Haseldörp hett kort vör 1255 dat Klooster Rahden grünnt, dat 1255 denn na Himmelpoorten ümtrocken is. 1272 is he Bischop von dat Bisdom Dörpt worrn.
De von Haseldörp hebbt ok de Borg von de von Haselau övernahmen, de 1257 denn an de Familie von Barmstede gahn is. Toletzt harrn de von Haseldörp ehren Seet in Ütersen un sünd denn in de Tied 1285 bet 1289 mit Freerk II. von Haseldörp utstorven.
- Freerk von Haseldörp (1180-1224), Ridder un Ministerialen von’n Arzbischop von Bremen
- Theodor von Haseldörp (1218-1236), Ridder un Doomherr in Hamborg
- Freerk II. von Haseldörp (1220-1285 (1289)), Bischop von Karelien un Dorpat
- Johann von Haseldörp, Krüüzherr
Literatur[ännern | Bornkood ännern]
- Jahrbuch für den Kreis Pinneberg: Erwin Freytag: Die Herren von Haseldorf, Sied 180-183 (1968)