Virginiden

Vun Wikipedia
Zur Navigation springen Zur Suche springen

De Virginiden sünd en Meteorstroom, de jeed Johr in’n März un April vörkamen doot. De Naam is afleidt vun dat Steernbild Jumfer (lat. Virgo), ut dat de Steernsnuppen schienbor kamen doot.

Anners as bi de meisten annern Steernsnuppenströöm is de betse Tiet to’n Beobachten nich an’n Morgenhimmel, man üm Middernacht rüm, wenn dat Steernbild ruchweg in’n Süüden steiht.

De Radiant vun de Virginiden, de twüschen Anfang März un Mitt Aprill aktiv sünd, liggt in de Neeg vun den hellen Steern Spica bi de Himmelskoordinaten 200° / -5°. De gröttste Tall vun de teemlich langsomen (22–25 km/s) Meteoren warrt as Zenithal Hourly Rate (ZHR) betekent un liggt Anfang April bi ruchweg 5 in de Stünn. In de nöördlichen Breden vun Düütschland is de Tall aver man ’n beten sieter. Dat Maximum is teemlich flach, vunwegen dat de Meteoren to’n ekliptikalen Tyyp höört, un dorüm teemlich wiet in de Bahneven verstreit sünd.

En swacke Ünnergrupp vun den Stroom, de ok blots kort to beoachten is, warrt as Northern March Virginids („Nöördliche März-Virginiden“) betekent, un is för eenige Daag de Märzmitt an to sehn. In’t Johr 2013 weern se vun de American Meteor Society (AMS) as Klass-II-Meteorstroom twüschen den 14. März un den 22. März beobacht[1]. En annern Twieg is 2011 düütlicher to sehn wesen, de vun’, 22. bit to’n 25 April in’n ööstlichen Deel vun’t Steernbild to sehn weer. De US-Meteorforscher Robert Lunsford hett se as h-Virginiden betekent[2].

Literatur[ännern | Bornkood ännern]

  • Cuno Hoffmeister: Meteorströme. Joh. Ambr. Barth Verlag, Leipzig 1948.
  • Kosmos-Datentabelle in: Welcher Stern ist das. (= Kosmos-Naturführer.) Franckh, Stuttgart 1958, OCLC 73569630, S. 151.

Weblenken[ännern | Bornkood ännern]

Borns[ännern | Bornkood ännern]

  1. Robert Lunsford: 2013 Meteor Shower List.
  2. Robert Lunsford: 2011 Meteor Shower List. American Meteor Society.