Victor Stegemann

Vun Wikipedia
Zur Navigation springen Zur Suche springen

Victor Ludwig Stegemann (* 18. September 1879 in Sleswig; † 15. September 1940 op Good Kleinwerther) weer en düütschen Verwaltungsbeamten.

Stegemann is 1879 as Söhn von Mathilda, borene Brüninghaus (14. November 1856-10. Mai 1932), un Ludwig Stegemann (26. April 1849-23. November 1933) in Sleswig boren. He hett Juristeree studeert. In siene Studententied weer he bi dat Corps Saxo-Borussia. Na dat Studium is he 1906 Referendar worrn.[1] 1910 is he as Regerungsassesser un Hülpsarbeider an dat Landraadsamt von’n Kreis Nedderung in Heinrichswalde gahn.[1] 1912 is he bi dat Landraadsamt von’n Kreis Swienmünn anfungen un 1917 bi’n Regerungsbezirk Potsdam.[1]

In’n September 1918 hett he as Nafolger von Ernst Wegner opdragswies dat Amt as Landraad von’n Kreis Keden övernahmen.[1] 1919 is he richtigen Landraad un Regerungsraad worrn.[1] Dat is he bet 1920 bleven.[1] De Regerungspräsident Hans Grashoff hett em vörhollen, dat he Wapen an Kapp-Putschisten wiedergeven hett. Sien Nafolger weer denn Ernst Kirstein. Stegemann is an de Regerung in Hilmssen versett worrn. Later weer he Böverregerungsraad in Düsseldörp un in Berlin.

Stegemann weer Mitbesitter von dat Good Kleinwerther. He hett an’n 21. April 1914 in Elwing Annie Lehmkuhl (1873-1957) freet.[2] De beiden hebbt 1915 Tweeschendöchter kregen, de aver dood boren sünd. Ok de Kinner Boske (1915-1915) un Victor Reinbold (April 1918-1923) sünd al as Kinner doodbleven.[2] Stegemann sülvs is 1940 op dat Familiengood in Kleinwerther doodbleven un liggt dor in de Familiengraffsteed begraven.

He weer Kürassierrittmeester von de Reserve von dat Kürassier-Regiment „von Seydlitz“ (Magdeburgisches) Nr. 7.[3]

Footnoten[ännern | Bornkood ännern]

  1. a b c d e f Acta Borussica, Band 11/II
  2. a b http://arch.vortmes.nl/documents/copo-021.pdf
  3. http://www.deutsche-ehrenmale.de/ehrenmaleforum/index.php?page=Thread&threadID=924