Verwaltungsgemeenschop (Bayern)

Vun Wikipedia
Zur Navigation springen Zur Suche springen

Verwaltungsgemeenschoppen (hoochdüütsch Verwaltungsgemeinschaft) sünd Gemeenverbänn in Bayern, in de Gemenen jemehr Verwaltung to een zentrale Verwaltung tohoopleggt hebbt. Se sünd interkommunale Kooperatschonen, de as rebeedsafhängige Körperschop von dat apentliche Recht organiseert sünd.[1]

Historie[ännern | Bornkood ännern]

De Verwaltungsgemeenschoppen sünd in Bayern in’n Rahmen von dat Erste Gesetz zur Stärkung der kommunalen Selbstverwaltung von’n 27. Juli 1971 inföhrt worrn,[1] dat Deel von de Rebeedsreform in Bayern weer. Düt Gesett hett dör Bekanntmaken an’n 25. September 1979 (GVBl S. 313) de Överschrift „Verwaltungsgemeinschaftsordnung für den Freistaat Bayern (VGemO)“ kregen.

De eerste Verwaltungsgemeenschop in Bayern is an’n 1. April 1973 in Fischen im Allgäu grünnt worrn,[2] de Verwaltungsgemeenschop Neustadt an der Waldnaab keem an’n 1. Juli 1973 as twete.[3]

An’n 30. Juni 2008 hett dat in Bayern 313 Verwaltungsgemeenschoppen mit 988 Gemenen as Maat geven, in de 2.011.494 Inwahners leevt hebbt. Dat weren 16,1 % von de Inwahners von Bayern.[4] 2017 hett dat 311 Verwaltungsgemeenschoppen mit 982 Gemenen as Maat geven (Stand 1. Januar 2017).[5]

Struktur[ännern | Bornkood ännern]

In en Verwaltungsgemeenschop sünd benaverte Gemenen, de to en Landkreis höört, tohoopslaten, bewohrt dorbi aver de Egenstännigkeit. Se vulldoot apentliche Opgaven so as dat Gesett dat vörgifft[1] un schöölt de Leistungs- un Verwaltungskraft von de Maten stärken. De Verwaltungsgemeenschop warrt dör de Gemeenschopsversammlung ut Vertreders von de Gemenen (na Inwahnertall, opminnst Eersten Börgermeester un een Maat von’n Gemeenraad) leidt. An de Spitz steiht een von de Eersten Börgermeesters as Gemeenschopsvörsitter. De Geschäftssteed deit de Verwaltungsarbeiden un ünnerstütt de Gemenen.

Opgaven[ännern | Bornkood ännern]

To de Opgaven von en Verwaltungsgemeenschop tellt normalerwies all Opgaven von’n överdragen Wirkungskreis utnahmen dat Erlaten von Satzungen un Verordnungen. Bi de Gemenen blievt de Opgaven von’n egen Wirkungskreis. Dorbi ageert de Verwaltungsgemeenschop as Behörde von de Maatgemenen un deit to’n Bispeel de Geschäften von de Verwaltung.[1]

Footnoten[ännern | Bornkood ännern]

  1. a b c d Verwaltungsgemeinschaftsordnung für den Freistaat Bayern (Verwaltungsgemeinschaftsordnung – VGemO)
  2. Rechtsverordnung von de Regerung von Swaben von’n 26. Februar 1973, Regerungsamtsbladd S. 25/1973
  3. Philipp Hamann: Gemeindegebietsreform in Bayern. Sied 90, 90
  4. Bayerisches Landesamt für Statistik und Datenverarbeitung: Staats- und Kommunalfinanzen in Bayern. Rechnungsergebnisse 2008. Bayerisches Landesamt für Statistik und Datenverarbeitung, München 2011, Sied 34
  5. Gemeindedaten für Bayern 2015 erschienen