Venlo

Vun Wikipedia

Venlo is ene Stadt in de Gemeen Venlo in den Noorden vun de Provinz Limborg vun de Nedderlannen. De Stadt hett 35.300 Inwahners (2008), de Gemeen 91.443 (2008).

Raathuus

De Stadt liggt an de Maas, de de Grenz twüschen Venlo un Blierick billt. Vele histoorsche Bowarken sünd in den Tweeten Weltkrieg verschütt gungen. Dat bekannte Raathuus is vun 1597. De wichtigste Kerk is de St.-Martinuskark, ene Hallenkark in gotischen Stil. De St.-Joriskark is ut 1718. De Stadt liggt in’t Rebeet vun’t Dekanaat Venlo-Tegelen vun’t Bisdoom Roermond vun de röömsch-kathoolsche Kark.

In Venlo warrt de Karneval groot fiert. De Spraak, de hier in de Stadt snackt warrt, is Limborgsch. In Venlo stahn Kintopps. De Stadt warrt vun vele Düütsche besöcht, de dor inkoopen.

Historie[ännern | Bornkood ännern]

Koort ut 1652 vun Venlo vun Joan Blaeu

Venlo geev dat al vör de Römers. Venlo weer in’t Middelöller ene Hannelsstadt. för den Handel worrn de Maas un een Heerweg bruukt. Stadtrechten kreeg de Oort in 1343 vun Hertog Reinoud vun Gelre II. 1481 is Venlo de Hanse bitreden. Twüschen 1830 un 1839, in de Johr vun den Belgischen Opstand, weer de Stadt in’t Rebeet vun Belgien. In 1940, kört nah den düütschen Infall, worr Blierick en Deel vun Venlo. 1944 höörde de Stadt een Poor Maanden to Düütschland. Dörch en allieerdet Bombardement worr de halve Binnenstadt verwööstet. Vele Minschen sünd dorbi dood blewen.

Sport[ännern | Bornkood ännern]

Elk Johr organiseert de Stichting Rolstoeldansen Nederland (SRN) (Stiftung Rullstohldanzen Nederland) in Venlo de Veranstalten Venlo danst grenzeloos[1] un 2011 de Benelux Meesterschapen Rullstohldanz.

Enkeld Nahwiesen[ännern | Bornkood ännern]

  1. Venlo danst grenzeloos Rullstohldanz afropen an’n 9.12.2011