Veikko Heinonen
Veikko Heinonen (* 4. Oktober 1934 in Lahti; † 4. November 2015[1]) weer en finnisch Skispringer und Pesäpallo-Speler.
Skispringen[ännern | Bornkood ännern]
Heinonen, de för Lahden Hiihtoseura an den Start gung, wunn sien eersten Wettbewarven 1951. So wurr he 1951 un 1952 Finnisch Jöögdmeester in’t Skispringen. 1954 wurr he in den A-Natschonalkader beropen un wunn bi de Nordisch Skiweltmeesterschap 1954 in Falun in Sweden mit Sprüngen vun 72,5 und 76 m de Sülvermedaille achter sien Landsmann Matti Pietikäinen. He kunn sück dorbi blots wegen beter Hollensnoten tegen den um 0,5 Punkte achter hüm liggen Sweden Bror Östman dörsetten. Gemeensam mit Pietikäinen kunn he bi disse Weltmeesterschapen de eerst internatschonal Medaillen in’t Skispringen för Finnland winnen. Trotz dissen Spood wurr he nah de Weltmeesterschap nich för wiedere internatschonale Meesterschapen nomineert. In de Swiezer Skisprungweek 1955 keem Heinonen up den söbenten Platz. He weer Dart in de Springen vun St. Moritz un Le Locle, is aber bi den eersten Sprung in Arosa to Fall kommen un verlor so sien Chancen up de Medaillenränge in de Gesamtwertung. Bi de Veerschanzentournee 1955/56 is Heinonen in Oberstdorf bi den ersten Sprung störrt un in Garmisch-Partenkirchen keem he up den 23. Platz.
Neben den Weltmeesterschapen belegg he ok in de Skiwettbewarven in Salpausselkä, Falun un Ounasvaara jewiels den tweeten Platz. Bi de Skiflookweek an’ Kulm wunn he 1956 twee Deelwettbewarven. In’ eersten Deelwettbewarv harr he aber to mööd antreeden musst, nahdem sück sien Anreis wegen en Generalstreik verzögert harr, un wurr blots Sösste. In de Gesamtwertung wurr he dormit Tweet achter Werner Lesser ut de DDR. An’ Kulm hett Heinonen mit 118 Metern den wietsten Sprung vun sien Loopbahn maakt. Bi de Finnisch Meesterschapen wurr he 1955 Veert un 1954 Söbenter, nahdem hüm dor sien tweet Sprung nich gelungen weer.
Heinonen hett sien Wettkamploopbahn 1966 afslooten, nahdem he bi en Övenssprung to Fall kommen weer un sück en Nierenbesehren totrucken hatt.
Pesäpallo[ännern | Bornkood ännern]
Veikko Heinonen speel tüschen 1953 un 1958 in de finnischen Pesäpallo-Liga för den Vereen Lahden Mailaveikot. Mit de wurr he eenmal Viezmeester.
Privates[ännern | Bornkood ännern]
Sien Söhn Kari Heinonen weer Enn’ vun de 1970er un Anfang vun de 1980er Johren Skispringer in de finnisch Natschonalmannschap.