Vörlaag:Hööftsiet/utwählt Artikel dissen Maand/2020-04
Satoshi Ōmura (japaansch: 大村 智, Ōmura Satoshi; * 12. Juli 1935 in de Präfektur Yamanashi) is en japaansch Biochemiker, de 2015 den Nobelpries för Physiologie oder Medizin tospraaken kregen hett. He is bekannt för dat Opdecken un Entwickeln vun verscheeden oorsprünglich in Mikroorganismen vörkommen Pharmazeutika.
Leven
Ōmura hett Chemie an de Naturwetenschaplich Universität Tokio studeert, wo he 1963 sien Diplomafsluss maakt hett un 1968 sien Doktertitel in Pharmazie un 1970 sien Doktertitel in Chemie kreeg. Af 1963 forsch he an de Universität Yamanishi un af 1965 weer he an dat Kitasato Institut in Tokio tätig. 1990 bit 2008 weer he Präsident vun dat Institut. Buterdem is he siet 2005 Perfesser an de Wesleyan University.